唉．．．出事喇！（大家請放心！唔係我有左！雖然我個ＢＢ好耐都唔生出黎！）

今朝一早同仔仔去睇醫生，等左好耐好耐，覺得等．．．真係好漫長呀！之後醫生終於見我地喇！首先同仔仔檢查，大概話仔仔前列線發炎，之後要打支針等半個鐘再睇照超聲波啦！

又再出面等半個鐘，終於可以照喇！得出黎既結果就係亞仔生左一粒大概２ＣＭ既膀胱石，初時粒石痴得仔仔好實，初時醫生嚇一嚇話驚係一粒瘤，之後佢叫我地搖下佢，睇下粒石旭唔旭！好在粒石最後係旭！如果唔係仲驚！

醫生俾左２個方案我：１）做手術（要做２樣野，首先係絕育，之後取石），２）食藥睇下會唔會唔發炎，當然佢主張我做手術！

但係我好真係好擔心！其實前２、３年房屋署話俾養既時候，我有帶佢黎話要做絕育，但係果時醫生話佢已經係老人家同埋佢肥，所以危險度好高！到依家我都仲好擔心呢２樣野！

最後我梗係決定左食藥先啦！之後我就送佢番屋企我就出番公司開工喇！約左佢地一齊飲茶之後先番工！大家都講得好岩，佢做係危險，但係唔做仲危險喎！都係一個機會，下晝再諗諗下都係打個電話去ＢＯＯＫ啦！但係下一樣決定既野竟然係我請假既時間．．．因為我諗住ＢＯＯＫ星期六，我都係請半日，但係診所話星期六日一都ＦＵＬＬ左，最快就係２０號，但係我又覺得請得太密，都係下星期二啦！之後再打去ＢＯＯＫ！

收工之後落左去ＭＫ，回家途中又俾人問我係咪買書！我個樣真係咁細咩．．．唔好玩啦！

仔　～～～～　希望你做完手術又會變番之前咁扎扎跳啦！你依家好呀個樣！