我其實２１號已經睇左醫生，但係藥對於我好似冇乜用！其實睇呢個醫生係我第一次睇！我唔想下下病都入番屯門睇，所以試新野！點知．．．原來都係冇用！

今日亞浩去左拜山，我約左ＶＩ一齊食晏之後行一陣ＭＫ！尋晚既咳令到我訓唔好！我１２點幾已經起左身喇，到１點我就打俾ＶＩ喇，之後約左落官塘等，就一齊坐小巴落ＭＫ食晏！

個午餐好似縮水咁．．．大家都話唔飽，但係大家又不了了之喎！之後我就話要去搵ＤＩＳＮＥＹ　ＦＡＮＳ本書喇！終於俾我去到信和地庫道買到，之後我地行左去花園街買野，去多轉旺中就完結今日既行程！

我坐小巴去官塘再睇，今日醫生換左人，不過呢Ｄ咁既診所實唔同人啦！不過是但啦！最緊要今次Ｄ藥ＯＫ！等左好耐，終於到我喇！我一入到去勁講自己有幾嚴重，因為我唔想佢又開Ｄ同上次差唔多既藥！之後又等拎藥．．．今次好多呢！唔知會唔會快Ｄ好呢！