尋日同麗娟講開，婉薇就黎生日喇，睇下大家可以邊日出黎食個飯，傾下計！之後我仲提議不如問下佢肯唔肯講佢公司地址，等我送個驚喜俾佢，當然一切都係我諗既，點知．．．今朝麗娟同我講ＯＫ左！哈！好　～～　就黎一個驚喜送俾佢啦！

今日一收工，因為我今朝既大意，而放底左個電話冇拎，累到亞浩要拎個電話俾我，就約左佢一齊去ＣＷＢ食晏！而我就約公主同芝去合發等！

收工同亞蚊一齊走，坐小巴過ＣＷＢ，點知塞車塞到我想爆粗，仲要我行鬼咁遠，正ＰＫ黎！（當然係個小巴司機啦！ＰＫ）

之後我地食完個晏，我就同亞浩去左ＳＯＧＯ地庫入面買ＣＡＫＥ喇！我．．．真係唔知點ＣＨＯＩＣＥ，有諗到驚佢呢樣唔食果樣唔食，到時就會乜驚喜都冇！最後我決定買左個芒果ＣＡＫＥ俾佢！

出發喇！去到電業城地下，入ＬＩＦＴ後，亞浩問我，你有冇諗過會左住人地做野，又或者咁岩佢老闆在，咁點算！講真．．．冇！我真係冇諗過，我只係一心想俾佢驚喜佢！呵！出ＬＩＦＴ喇，一對大既玻璃門見到佢，佢個樣超呆呀！果然真係俾我地嚇親！好好笑呀佢個樣！呆爆！之後仲問左我地２次做咩咁岩，傻架咩！岩乜鬼呀！ＸＤ　送上蛋糕後，真係走喇，開始擔心會左住佢，就講８８就走喇！

之後梗係會合番佢地啦！我今次既驚喜好成功！ＹＥＡＨ！！！