今日一直都相安冇事，以為可以安安樂樂咁收工！突然　ｌｕｎｃｈ　出現”瑞士行”事件，令到老闆開始３號強風信號！點知．．．連我都發生事！

其實我都知道個客ｓｕｐｅｒ急都冇用，因為大家都知道ｄ衫冇可能今日出得哂，只不過盡左力就算！因為真係件件衫都係人手去一針針抅，一個款９件又有乜可能呢，得一個星期去出１１款每款９件出黎！

今日話俾個客知有３款，其２款齊，但係我一直打去大陸問，幾點可以交收，希望早ｄ！但我知唔得囉，所以我都冇叫人幫我交，我自己收到上！

ｋａｒｅｎ走，順個便車我落荃灣坐車，我上左黃崗車冇幾耐，廠長打黎話上面交通有問題，可能會遲到，叫我等下！唉．．．真係唔好既預兆！

上到去只係７點３，我地約既時間係７點半，仲要遲到！都唔知等到幾時，好在我個袋今日有本漫畫，唔係一定悶死！

話咁快就８點喇，司機終於到，我好開心咁飛身去佢道，就係呢個時間ＰＫ，仲要係好Ｐ果隻Ｋ！好魚呀～～～　之後梗係飛身咁忍痛離開現場啦！

一路上忍痛忍喊，真係好辛苦！個電話又ＣＵＴ左打出條線，另到我唔可以搵人訴苦！之後好快咁過關後飛快上佐敦架車過埋香港關，點知．．．又有事發生喇！咁個電話打唔到就梗係放入袋啦，點知呢一刻無啦啦響，梗係拎出黎聽架嘛，仆佢個街，死麻甩佬一野撞埋黎，攪到我電話４散！我心情唔多好就梗係講哂粗口鬧人啦！之後好在另一個男人幫手執起哂，唉．．．真係禍不單行！

過完香港關上番車，個客打黎喇，我諗頭先個電話都應該係佢囉，當然打黎追我去左邊幾時到啦！依家８點半保守估都要９點３啦，我照直答，佢當然叫我盡趕啦！因為佢同事趕９點出門口！

點知個司機唔生性，無啦啦唔知點解揸左入油麻地廟街方向再去佐敦，真係唔明，之後俾人落車我就梗係超快速度上的士啦，個腦突然一片空白，淨係識得話海港城，個司機問我海港城邊道，我淨係記得　ＨＡＲＤ　ＲＯＣＫ　ＣＡＦＥ　啦，連左右附近有乜我個腦都唔記得咩名！點知個司機係玩野定係咩，竟然話轉入消防果邊俾我落，我梗係話直行啦！唉．．．已經遲到架嘛，仲同我玩埋呢Ｄ野！

上到去個客道，個心都未定，想行快Ｄ入去，去到門口．．．成５個人就話”嘩．．．大人物終於到喇！”，即一刻平靜左既我，又令我好想喊，做咩喎人地已經好趕架啦，仲講埋Ｄ咁既野！

唉．．．成晚既禍不單行終於結束，呢晚既唔開心令到我聽日真係唔想番工，但係ＴＥＲＲＹ又有Ｄ　ＵＲＧＥＮＴ野我道，所以我打俾佢問佢方便拎嘛！之後就約佢俾野佢！

今日真係好唔開心呀！！！　＞＾＜