今日自由行，我地一早起身去左食早餐，之後我地就出發去八仙水上樂園！

我地首先去換左今日既全日通捷運票先〔呵呵！我地今日全日都坐捷運唔駛錢架！〕之後就出發喇！ＹＥＡＨ　～～～

我地首先要坐捷運去到關渡站，之後仲要轉巴士去架！我尋日已經問導遊大概要幾耐去到，佢話我知要９個字左右，點知．．．要個幾鐘囉！等我冇哂預算！

入到去已經差唔多１０點喇，初時約左小霧同佩華〔我既台灣朋友〕１點O係酒店大堂等，我諗要改時間喇，雖然係依家咁早，但係嘈醒佢地好過佢地等我地成個幾鐘啦！

入到去真係好好玩呀〔雖然．．．我．．．冇玩到〕，我地去左第一個游樂區，就係一條要坐住水泡好長既一條滑梯，個個都滑哂落去喇，但係我．．．俾個台灣男仔撞反左我．．．我坐唔番落個水泡道呀，個人好驚！點都上唔番去，我．．．支持左好耐，最後決定都係唔玩喇，叫個救生員幫我上番去！佢真係好好人呀，佢除左佢件衫落黎救我喇，佢．．．幫我拎住個大水泡，之後叫我慢慢行番上去，講真，呢一刻我真係　ＳＵＰＥＲ　驚，首先真係好高我諗我唔會跌落去掛，第２我係唔識游水，我真係好驚！行上去既時候就係驚緊第一樣野喇！之後行番落樓梯果陣我見到佢地原來Ｏ係上面個池道等緊我！我同佢地講你地繼續玩啦唔駛理我，點知．．．亞浩聽到即刻玩哂所有既梯跑番上黎搵我，果一刻．．．好感動想喊．．．不過．．．我冇，我會繼續支持架！之後大家好開心繼續玩，呢道真係好好玩，我睇佢地玩我都好開心！最衰我啦，一早唔玩既話我諗我會幫大家影相！

之後玩左兩個鐘頭，就趕番去我地繼續既行程，呵呵！大家都好累呀！好在架車都要坐好耐下．．．唔係大家一定更加累．．．

我地番到酒店放底哂Ｄ野，就出發喇！首先小霧同佩華應我既要求帶我地去天母既ＢＵＢＵ！

去到ＢＵＢＵ好開心呀！可能．．．我真係好想去啦！去到我地食左Ｄ野，亞浩叫左隻香蕉船〔但係冇香蕉架，佢話台灣既係咁架喎，激死！〕我就叫左一壺水果茶！兩樣野個樣都好ＧＯＯＤ呀！味道．．．香蕉船亞浩唔俾我食，原因就梗係我．．．病緊啦！水果茶其實我都唔應該飲，因為太甜，一定咳死！之後我地梗係去影相啦！呵呵！

好喇，初時諗住去完呢道，即刻去１０１架！點知．．．冇直接車出番去！我地轉左地點，去左叫５分甫既地方先！

我地．．．又”ＳＩＤＥ”左好多時間Ｏ係坐車道！我地坐左成個幾鐘巴士，不過．．．大家就精神好多喇！

去到５分甫原來個地方好似批發市場咁架，成個地點係賣衫架！我地梗係唔放過　ＳＨＯＰＰＩＮＧ　既機會啦！亞浩有收獲呀，呵呵！實在太開心，當然開心過我自己買到野啦！果道既衫我一件都睇唔中，唔係我眼角高，只不過．．．Ｄ衫太細件．．．

之後我地食左Ｄ野，又要趕下一站喇！我地都係趕唔到去１０１，佢地帶左我地去番ＳＯＧＯ既ＳＵＰＥＲＭＡＲＫＥＴ　睇下買唔買到ＡＶ好耐之前帶俾亞浩食過既麵線杯麵！點知．．．都冇買唔到！我地連台灣既惠康都唔放過，都買唔到！

我地o係惠康買左好多野做手信，哈哈！估唔到呢！原來小霧聽日要番７點架，我真係唔好意思，要佢出黎陪我地咁耐！仲有我．．．真係頂唔順，我已經發緊燒喇，食左藥既我，真係好眼訓！我地就即刻坐捷運番西門町，佢地有Ｄ餓，佢地仲好想食多次”阿宗麵線”，佢地買外賣番酒店食，可能大家都好累唔想企啦！

一日既自由行就完喇！聽日就係最後一日喇，我地竟然用哂Ｄ錢喇，要聽日再唱先可以買到手信．．．大駛左添！