今日係我超期待既 BEYOND CONCERT 既第一場，雖然我既飛好後，但係都超期待！

由細到大既偶像都係 BEYOND ~ 家強 (當然都係4個都咁 GOOD 啦)，呢個真係一直都冇變過，我諗起我細個追星既時候都冇依家咁勇！話時話，我到依家咁大個人都仲唔敢同家強講野！但係依家追 F4 (都係4個人既組合，哈哈) 既時候，我係敢同 JERRY 講野架，哈哈！

今日一收工就即刻落左太子搵麗娟佢地食野，點知佢男友要買電話，DE-LATE 左我地 D 時間，去到紅館 (仲未收飛，O係出面既時候) 已經聽到佢地既歌聲！唉...點解唔等埋我，哈哈！

我...今日個位真係後到呢，不敢相信自己會坐到咁後 (鬼叫買唔到前飛咩)！算！氣氛好都 OK！不過...我地位既周圍，竟然冇人拎螢光捧！點解會咁架，大家夠竟係咪 BEYOND 歌迷黎架，可能大家係聽歌既一群！不過講真周圍 D 人咁，真係另大家既 HIGH 度有 D 減底！不過我地一行5個人繼續自我 HIGH ^^！

其實睇 BEYOND 既慣性係企既...但係果晚 D 人(我地周圍) 真係太靜喇，我未試過睇 BEYOND 咁架，真係太...靜喇！當然全場都仲係好嘈啦，哈哈！周圍既人群見我地不停咁叫 "BEYOND" "家強" "PAUL" "世榮"，好似好奇怪咁！但係睇 BEYOND 就係要咁！我地...竟然等到"太極"做嘉賓既時候，有膽企起身，勁呀！點解我會講係有膽呢，我後面坐果個人...係大隻佬，我實在太驚俾人"小"喇！不過梗係唔理咁多啦，我淨係知道我地企起身，有人叫我地坐番底囉，當然我梗係當聽唔到啦！

成晚既氣氛真係超正，我實在太期待我星期日睇果場喇，一散場就即刻打俾個 FD 問佢 "我地星期日坐邊呀，今晚好正呀！"，佢答我 "坐 AK 呀，今晚真係超正呀?"，"梗係超正啦，不過我坐得超遠囉，所以問你我地坐邊呀，AK 實在太開心喇，我地星期日見啦！"。就係咁樣我...就超期待星期日，我既坐位係咪真係咁前呢?!