上到去，因唔知道O係邊間房，我就打左個電話俾春雨，佢就出黎搵我地呢！

入到去，係一間好細既屋，大概１００幾尺左右，有一間房就係我即將要入去睇相既房喇！佢叫我同亞浩坐一陣，等左一分鐘都唔夠就叫我入房開始問囉！有Ｄ緊張！

當然一開始梗係要問下我既時辰八字啦，之後佢就唔出聲一陣，就用手指點點點咁，之後過左大概５分鐘左加就開始喇！

佢一開口就問我係咪想問婚姻，其實今次上去梗係唔係啦，係因為我由細到大都覺得自己好黑仔，又或者Ｄ錢係袋唔穩，所以先想問下點解會係咁！佢就開始講喇，佢話我既婚姻唔好，叫我唔好太早結婚，不過佢話我將來係享兒女福既！佢仲話亞浩係旺我，仲有講我既性格係好岩！不過一講到我屋企就準到咩咁，佢話我父母跟本就唔夾，不過可能係前世有緣既關係，另佢地走埋一齊生左我同細佬，之後仲話其實應該仲有弟妹，呢個真係超準，我亞媽係落左一個！佢都算到真係想寫個服字俾佢！