其實每逢星期日，大家都會想訓晏少少，一至六番工已經冇得點訓夠，星期日梗係訓番夠啦，哈哈！

半夜時份，我諗住睇哂金馬獎就訓啦，點知麗娟個細佬打機打到鬼咁嘈，到零晨４黠先可以靜少少，正想打過去同佢講靜少少之際，我就拎住個手提訓左！

呢個朝早真係好激氣，經過尋晚咁對，已經心情好ｑ差，訓訓下仲要俾我對面屋條八婆把聲嘈醒，佢平時把聲已經好驚人，仲要O係我門口傾計，真係唔得佢死！好啦，諗住傾完可以訓得好ｄ，點知一波未平，一波又起，今日原來係屋村為歡樂滿東華籌款o係球場捐錢唱歌(例如係我捐一百蚊就可以唱一首歌咁上下)！頂，我住得唔高，d聲音嘈到我關哂所以窗都仲覺得好q嘈。不經不覺又訓著番，到１點幾麗娟就打黎問我同唔同佢地兩個食 lunch 喇，唉．．．呢個星期日真係冇覺好訓！