我其實呢幾年隻手會無啦啦痕，近呢兩年，我終於知道發生咩事我雙手就會痕，原來我係唔食得紅羅白，一食即刻有事，好勁！

星期三，亞浩放假，想行街買野，我地夜晚去左壽司亭道食，當然食得好開心啦，不過兩條友食左成３００幾４００，真係肉痛！不過我叫左碟炒什菜，入面有紅羅白，真係俾佢累死我，我挑唔清ｄ紅羅白就食，就中左招喇！

果日食完野就行呢個瓊華，我都仲未痕，點知行去呢個兆萬既時候已經忍唔住，未行哂我就已經．．．痕到死！我已經忍住唔Ｒ，不過真係好鬼痕，之後我竟然忍到行埋呢個潮流特區添，我真係忍唔到我就同亞浩講”不如去睇醫生啦，我頂唔順喇！”咁我地就去左搵２４小時果Ｄ醫生喇！

去到鬼死咁多人，仲要我等８－９個，嘩．．．想痕死我咩！都要等啦，去到急症室仲等得耐，算．．．忍你！我地坐左冇幾耐，見到個醫生個名”龍海鵬醫生”，我地笑左好耐，話佢個樣唔知似唔似”盧海鵬”呢！呵呵呵，見到醫生喇，一Ｄ都唔似，好後生！入去睇佢果陣，話左Ｄ病歷佢知，佢就問我驚唔驚打針喇！話時話，我係驚囉！不過比起痕，我寧願痛一下，我就答佢”我唔怕！”亞浩用好驚嚇既眼光望住我，哈哈，因為佢知我驚囉！！咁我就俾佢打左一針喇，佢話咁樣會快Ｄ止痕，同埋食一次藥就ＯＫ！嘩．．．佢好似真係好ＰＲＯ咁喎！不過呢Ｄ要到第２日先知既！

就係咁，我地都冇買到野，亞浩仲話見我一次冇左佢５００蚊，真係慘！不過我都唔想架！我寧願用呢５００蚊去ＳＨＯＰＰＩＮＧ好過去睇醫生加食野啦！＞＜