其實呢兩日個心情真係唔好，可能屋企有 D 事另到我既諗法好唔開心，仲有公司既工作實在另我覺得好煩！

應該由前日講起，"林"出門口果刻，亞恩打俾我(朋友仔加同事，係我介紹入呢間公司既)話個肚好痛，請假！果一刻個心好似有 D 野咁，點知到左尋日 LUNCH 我去洗碗，咁岩望左一望亞恩，點知一睇之下就見佢打緊封信，心知不妙啦！

咁我去問亞恩係咪真係有咁既打算，點知佢答我 "E.....點解你會知既"，咁我照講囉！佢講講下就唔知點解喊喇，可能實在太激動！咁我話都有解決既方法既，不如傾下先啦！咁我就同 TERRY 講呢件事睇下有冇解決既野黎另到亞恩可以留O係道做，其實另到佢唔做既原因係覺得 MARIA 俾好多壓力佢，而另到佢個人認為佢做唔掂 D 野，所以佢覺得呢行唔適合自己，咁我都有同老板傾過可以點樣，老板都覺得佢做到野，唔應該為左 D 咁既野而走！咁我當然有同佢解釋做左個半月既一份工太快認為自己唔合適，應該點都俾 D 時間自己去適應！佢傾左一陣佢就話"不如我依家請下晝假同埋諗一諗"，佢覺得佢果一刻好醜同埋佢覺得個問題係關佢事。不過我真係覺得唔關佢事，係 MARIA 既問題！

過左一陣，我突然諗起屋企有 D 野未做，而我細佬依家冇野做緊，就緊係叫佢幫下手做啦，點知真係激死我！佢話"點解要佢做"呢句真係想打人，唉...佢同我亞媽都係唔做野，點解我要做野又要番到屋企做佢地既賓賓不"特"止，仲要係一個俾錢既賓賓喎。