成個月無行山, 因為今年既夏天實在太熱啦，上星期日終於"的"起心肝去左雷公田行山, 同班行山友聚一聚。其實當日既路線已經安排得好好，經川龍上大帽山，一路上有三條溪澗，綠樹林蔭，有時會有一陣涼風，所以不太辛苦。

下山時，看到蔚藍的天和反光的綠葉，少少紅葉陪襯(沒有那麼快出紅葉，只是近年郊遊公園種了很多樹，它的嫩芽是紅色，長大後會變成綠色，初時我還以為是它的花呢)，加上涼風，哈哈，即刻大叫一聲"好爽呀"，行得幾辛苦都值回票價啦，我們行到半路，原來附近係練靶場，我地有好路唔行，竟然行入練靶場既危險範圍，有一兩個百厭既行友仲要抵死到發出中彈既聲音，數分鐘既路程，有如打到黎咁，四周槍林大戰咁"啪啪"聲，又有子彈打中樹葉既聲，最終都係有驚無險......

不過原來是先甜後苦，到了中途，一些人乘車回家，一些人繼續行多一個鐘落愉景新城，我是後者，這一小時就難捱囉，烈日當空，冇遮冇掩，行引水道(石糞路是行山人最討厭的，行到腳痛)，水又剩餘無幾，我們就好似係蒸爐上面行，我一路諗: 行完未呀，仲要行幾耐呀，到達時，我還食了杯雪糕消消暑才回家，不過原來是無用的，回家第一時間飲左杯水，即刻想嘔，跟住個頭就好鬼痛，完全唔想郁，死左咁，應該係中暑了，好彩返屋企先出事，而且阿媽煲左冬瓜湯，無事。

近日都有報導指有人中暑，所以大家要小心d，飲多d水，帶遮，避免在太陽下暴曬呀。