大家好,很耐不見,皆因我既人生停頓了.......當然不是啦^.^, 只因家中的電腦上唔到網,工作忙碌,所以冇發報文章咋.這大半年,我有不少挑戰呀,在工作上嘗試過很多新事物,每個星期都去行山,行左唔少路呀,而家同大家分享下.

首先,有個重要消息,也是好消息,公司個衰人終於比我老細"解決"了,炒左啦,老細唔知點解下定決心比左兩個月代通知金佢,即時畫清界線.哈哈,工作忙碌是因為自從搬公司後都未停過,請人,改公司名,成為交易所參與者,學報會...什麼"DCASS","CCAS","CCMS"都知道左d, 做年結,報稅,勞工法例都清楚唔少, 改system,兩個system parallel咁run,教新人,原來自己做同教人做係唔同架, 最大煱係比証監查,係on-site investisgation 呀, 坐左成個月.前排,晚晚都做到好夜,完全冇晒自己d時間,連我喜愛睇既電視劇都冇得睇,最多睇到晚間新聞. 所以假日一定要輕鬆下,行山係幾好既選擇.

在05年12月,我同幾個行友為左挑戰自己,參加左樂善行,係西貢北潭涌出發,經赤徑上蚺蛇尖出長咀過大浪灣,西灣亭,再沿萬宜水塘回終點,行左30公里,天氣好,影了很多靚相,雖然辛苦,但不枉此行.所以我地今年約好左一齊再參加,今年既線路改左,唔上蚺蛇尖了,可能人多太危險掛,因此一條人龍上蚺蛇尖既壯觀情景不見了.d相好珍貴架.另外仲有幾次驚險旅程,好似行黃竹角咀至船灣主壩;上中狗牙,山勢僅斜,要爬一少段,終於感受到遺高既心情,但有驚無險;上星期小組出隊探新路,以為只係上茶壺咀,點知有驚喜,原來去埋南天門...聽人講同睇相就見過,行都係第一次,好正. 夏天到了,當然是去分流既好日子啦,本來約好去玩兩日,可惜,昨天黑色雷暴,預測這幾天都會落大雨,我們只好延期吧.

下個月尾,我會去新彊17日,看看這個風景壯麗,文化風俗濃厚,物產資源豐富既地方,到時再同大家分享.

p.s.相中是在馬鞍山望去船灣淡水湖既景觀