尋晚發夢.......

雯雯話同我屋企人一齊去拜山........

點知過左幾個字.....佢都無出現........

當我屋企人擔心緊佢既時候.....（我搵緊佢）

佢喺電話︰呀.......我仲訓緊覺呀............>_<

現實中

佢︰原來我喺你心目中係咁鐘意訓覺架！！

我喺公司門口等緊閘開既時候....笑........

今朝嘉穎搵過我...好似....好耐無搵過佢....

-----------------------------------------------------------------------

而家呢排每日都俾自己休息多d，

所以盡量都訓到7-8個鐘，所以好精靈咁返工

930返到公司就開工啦，老細940返黎

同我單獨傾左好耐野，傾左一陣公事後，

其餘幾個字都傾私事

我遲d又加人工啦！哈哈哈哈哈~~~~勁開心！！

不枉我成日都喺屋企哩埋度野.........hahahahahaha

第一個同雯雯講~~

之後兩點頭就收工啦....而家精靈咁返工，做野都快d

仲坐喺度同未做完野既同事吹水tim

之後就去mk拎跑步機，原來百寶利商業中心咁多野行.....

以前成日去mk拍拖都唔知.....

遲下認真d去mk行下先....成日都剩係齋拎野

朗豪坊....新世紀.......花園街.......波鞋街.......兆萬......

西洋菜街...........先達............好熟悉的名字........haha

不過「的」埋雯雯行好d~有人陪我掃街~~

其實我最想行係朗豪坊，我已經好耐好耐好耐x1000無去過

我好鐘意行既shop....朗豪坊都有...雖然唔知而家仲有無....

講開雯雯....今日同我講公事上有d野好煩

等佢收工之後問佢攪唔攪得掂......

佢︰攪唔掂！發晒皮四！哈哈哈   <----發皮四都哈哈哈....傻婆！

不過我無問佢發生咩事.....佢如果想呻會講架啦......

唔想佢收工仲猛咁篤篤篤.........而且唔想佢收工仲講公事

大家都比到支持大家已經足夠了

有陣時，關心一個人唔駛一定用口講

用個心就ok了

-----------------------------------------------------------------------

（後加）

尋日新年揮春個dummy出左，我第一個比雯雯睇

（連老細都未睇......因為佢無返）.....哈哈

雯雯︰yeah！我快人一步！哈哈哈

咁啱今晚有一匹「快人一步」出賽....

咁啱撞正係我比賽果場......

結果呢隻馬跑第二~~~哈哈哈！

比賽有分！thx for her！！

麻煩佢撞多d口 卦啦.....哈哈