呢兩日比較忙碌...空閒時做吓其他野...

約朋友食飯...出街行吓...諗吓早報既野...

阿儀既野有無諗？點會無？

一陣夜晚會打一篇日記俾佢....

專for佢遲啲睇，所以要log密碼...haha~~（密碼請佢一陣去msn check）

今日星期四，所以放早，

等我訓一陣，落街做埋運動，

之後會返黎打架喇....^-^

阿儀，你聽日生日，我知你可能會同朋友or朋友們出街慶祝，

所以我提早喺呢度同你講，「生日快樂，希望你愈來愈靚！

做你媽媽既乖女！~~^^」

講番其他野先，

尋日唔覺意對個同事做左啲細心野....

同事話︰「你咁好，難怪咁多人鐘意你」

我而家無女仔鐘意啦（可能桃花運終結了，哈哈）

但係自從同左阿儀拍拖之後....

特登電話都轉埋...以前果批已經再搵唔到我喇...

因為自知桃花多，斬草除根會好啲！哈哈！

有無諗過識定啲新女仔？

如果真係唔好彩，同阿儀散左先算喇...

不過其實就算同佢散左我都唔會再搵住...

坦白講，呢個女仔我真係放左好多心機落去

如果散左我唔想再拍拖住，會單身一段時間

（不過放心，我唔係毒男，會同大家傾既，收埋自己都無用）

而且我之前無諗過搵新女友，一直都視阿儀係最後一個

所以無部署過要新識啲女仔嚟做backup

另外最近好多謝朋友們的關心....你地既一言一語...

永遠都令我好快咁笑出黎...唔講都唔知...原來阿中...阿興同阿yen

都好了解我...尤其係阿中....行街既時候....佢同我講︰

「你同阿儀做咩事呀....你會講出口既通常都係小事...

你唔講出口先至大事黎架喎....你咁先肯搵我傾....

今次應該好大件事啦...不過都啱既....唔開心既時候...

收埋自己兩三日都好正常」

好犀利.....-_-...不愧識左十六年....

今日既lunch

好好食！！

而家體重持續下降中....

如果唔係少肉多菜+節制+做運動...

以為自己有病添呀...

阿中早兩日同我食飯...話我明顯食得少左...

可能個胃細左喇，如果第時同阿儀食飯，

千祈唔好好似平時咁...我飽晒既時候....

「我餵你呀....」....「唔好啦...飽呀！」....「唔制呀....」

「唔好啦...飽呀！！」......「嘅.........>.<」...........

「我食啦我食啦.........」.....「哈哈！老公你真係好錫我架！」

「你知就好啦.......」

haha~~^^

已經刪去「沒有妳的第X天」..

因為無時間update...

同埋無打呢篇日記..唔代表我無掛住佢既

唔知喺生日正日...果個第三者會唔會約佢呢....

而佢又會唔會應約呢.....

如果佢喺正日應約...好大機會佢已經揀左呢個男仔.....

又講吓第二啲野...

早幾日講過話有啲幫開我既同事轉左去幫馬房日報手...

佢地同我講話好辛苦...有時工作程序想改變吓....

但係唔敢同老細講....

星期三朝....我特登同老細傾下.....

老細面色一沉...驚驚地咁....可能以為我又話想走....

之後我同佢傾左一輪.....應承諗下辦法....

雖然呢件事唔關我事....但係見到佢地咁辛苦....

幫佢地一把又有乜所謂丫.....

反正老細一向都會聽我講野....

其實老細而家正在淡出公司啦...

可能部署退休/做其他生意...

見佢將馬房俾其他人攪...佢企喺背後睇...

而家佢完全唔理我份早報喇....

我有乜都自己諗...自己攪掂.......

其實佢話過...我將來結婚既時候...

佢會送份大禮比我....

會唔會就係將份「早報」送左比我呢？

因為佢曾經話我已經好有能力掌管一份報紙...

係就好啦！！份報紙堅賺緊錢架....haha!!

如果係咁....我有信心將佢攪得更好！！

雖然報紙名係老...但係要跟住時代變...

就有得生存架啦...一成不變梗係死啦...

而家都見到後生一代睇早報....

全因為佢既總編輯只係一個28歲既人~~^^

忽然覺得身邊既人對自己好好....

同事....朋友...家人.....