愈來愈接近開鑼...
尋日終於都舉行季前會議....
開會的時間過得很漫長....
愈來愈接近開鑼...一定會好好努力!
散左會之後..同阿興落左灣仔食飯...
之後再返公司做野...
今季出街食飯既日子即將完結啦...
收左工之後...就去左石峽尾接女朋友仔...
佢0係商場落黎...見到我即刻大笑+揮揮手!!
哈哈...以前只係微笑架咋...
之後就去左深水埗西九龍中心行街...
再食左d野..
(食野既時候...唔知做乜大家都起勢咁笑...
而且拖實大家..可能大家都意識到遲d少d見..要好好珍惜相處既時間...)
雖然同佢拍左接近四個月拖...但感情就愈來愈好....
之後我要趕時間回家....佢陪我搭118...
行緊去巴士站既時候....
二表嫂0係馬路中心安全島叫我地...
我地即刻好開心呀..
因為二表嫂拖住女朋友仔最鐘意既承智仔...
承智仔著住套校服...勁靚仔!
吹左一陣水之後...就行返去巴士站啦...
女朋友仔話二表嫂好靚...
仲希望將來生返個靚仔/女出黎tim!haha!!
女朋友仔0係旺角落左車之後..
我就自己一個返柴灣啦...
佢落車既時候不忘回望向住我「拜拜」...哈哈!
返到屋企...同姨媽傾左成半個鐘電話...
姨媽真係好錫我同女朋友仔...
好感謝佢........我一定會好好錫阿儀架.......
開鑼前會詳細d打返同阿儀一齊前後既歷程....
俾將來既仔女睇...俾自己一個回憶....
「初遇....曖昧....鬧翻....失去....誤會...重遇....拖手.....」
經過重重波折先至造就到今日既我地....
所以呢段感情好刻骨銘心...而且從未想過會發生於自己身上...
呢四年間種種事...種種感覺...將會牢牢記低....