Kelvin和Frankie在溫哥華註冊結婚，二人感觸落淚。 (受訪者提供圖片)

全港首個大型同志婚禮講座後天舉行，沒有禮服catwalk show、沒有禮餅推廣、拍照優惠，更沒有大妗姐談禮節，卻有兩對新人分享註冊、租禮服、找場地擺酒的障礙賽；男同志被質疑「咦！兩個男仔嚟㗎？」女同志被會所經理「scan胸」，但他人目光無損真愛，4人最大心願是在港註冊，給愛侶法律保障，「80歲都要報名去！」

新人Kelvin和Frankie，去年9月前往二人曾經留學的溫哥華註冊，同月回港在南區高級私人會所擺酒。由溫馨婚照、以男裝禮服為主題的邀請卡、放有兩個「cute版」新郎糖霜造型的結婚蛋糕，一一由婚禮籌劃師Johnson代辦，令二人免卻了外界不友善的目光。

Johnson指會所雖然首次接辦同志婚禮，但員工態度非常專業，與各服務提供者接洽時亦未有遇到重大困難，「唯一係幫佢哋兩個攞啲結婚相去frame（裱框）嗰陣，師傅睇到啲相，話『咦！兩個男仔嚟㗎？』」。

至於今年初在溫哥華註冊的Bell和Shirley，因為同為基督徒，為了完成在教會行禮的心願，一度努力接洽教會，最終失敗收場，退而求其次在九龍區一間高級私人會所舉辦婚宴。近日重回大學校園，成為神學生的Shirley非常感恩，「個牧師好好，肯嚟現場祝福我哋」。

Shirley笑言二人首次到場地登記時，經理反應不知所惜，「個manager（經理）係咁望住佢（Bell）個胸囉」。Bell補充，「我哋要填張form，上面寫住『新郎』、『新娘』，佢見到話唔好意思，即刻刪咗『新郎』兩個字，仲話以前未處理過，會update番，睇得出佢係好努力去學習，呢樣嘢真係好加分」。

二人同樣租裙褂出門，裙褂店沒有多問，反而婚紗店偶爾稱呼混亂，Bell理解店員慣了招呼異性戀伴侶，「好似我去到先，佢問我先生幾時嚟，我話嗰個我太太嚟，佢話：『哦，唔好意思。』成件事好easy，好似平常睇婚紗咁」。

安排得再周全的婚宴也有「驚青位」，而很多同志的「驚青位」均和父母有關。Kelvin的母親在婚禮前一個月才得知兒子是同志，婚宴當晚提早離場；Shirley父母缺席，由姐姐代飲「女婿茶」，Bell的父親雖然參與，但決定隱身一般賓客當中。對同志伴侶而言，婚禮服務提供者的眼光可以不介懷，父母的肯定才是最重要。

Kelvin和Frankie的婚禮像派對，朋友盡慶，Kelvin媽卻整晚「唔自在」，「佢都需要時間去消化，感覺唔到佢好開心，到喺headtable同親家多啲互動，先自然啲」。其母其後更提早離場。

另一邊廂的Shirley，全家舉腳反對她結婚的決定，令她非常傷心，「家姐同我一樣係有信仰嘅人，佢同我講：『你落唔落地獄我就唔知，但如果我個仔係同志，佢就落硬地獄。』」，最後由姐姐代勞飲「女婿茶」。他們同意，同志伴侶要得到父母認同要比「直人」付出更大努力，期望以時間改變家人的想法。

註過冊、擺過酒，兩對新人的最大心願仍然是在香港結婚註冊，讓另一半更有保障，像醫療指示、僱員福利等、保險受益人等，Shirley直言最擔心Bell有事入院，無法親身照顧，Bell表明若香港接受同志婚姻，「80歲都要報名去！」 

回港舉行的婚宴上，男男新人糖霜蛋糕十分矚目。 (受訪者提供圖片)