點解eason唱歌可以好聽成咁
一直覺得郭富城既「飛」又難聽又核突
比eason今晚唱一唱 即刻起哂

點解年年都有敲擊環節
而且年年都有@17份
我都係期待佢地唱歌多d

點解連大合唱環節都可以咁難聽
一班唱歌平平既人 大合唱應該係最安全
但係竟然突出哂佢地唔夠氣 走音 甚至唔啱拍子等缺點
成班人各有各唱 自己亂唱 人人歌詞都唔同

甄妮出場 原來佢唱歌真係好好聽
但係點解呢part無eason 有佢同甄妮合唱就更完美

倫詠亮又係一個唱得之人
可惜佢同呂方一齊唱時 太刻意突出自己既聲線
反而令人覺得佢係度亂嗌 太odd

阿b同janice合唱right here waiting
janice呢part表現得好好 好過其他兩個姐仔
唱得比阿b更有感染力 令人意外
睇黎佢唱英文歌最得心應手
一唱中文歌就手震 點算好呀

黎明都有出黎 今晚瘦返喎, 咪幾精神