---『幸福的微笑...』---
呢句說話係由一個呢排好忙冇乜點見0既朋友講0既...
佢話好想見下我「幸福的微笑」...聽落去好似有D老土...
但實際...又講得0岩...唔講唔知...原來我好耐都冇試過有...
幸福0既定義每個人都唔同...我覺得快樂就等於幸福...
"六樓后座"入面阿Wing問Susie:「如果88蚊可以換到1個鐘0既快樂，貴唔貴?」...
Susie話:「梗係貴啦!!快樂邊洗用錢買架?」...
冇錯...快樂係唔需要用錢買...應該係話...快樂係有錢都買唔到...

---『Where The Heart Is(甜心伊人)』---
呢個係一套好簡單0既愛情戲...但係好刻骨銘心好感動...
女主角前男友同佢講:「一個人點解要講大話...因為膽小,懦弱,卑鄙...一個好大0既大話...大到可以改變自己0既一生...當你想回頭0既時候...發覺已經太遲...」...
因為一個大話...令到佢冇左一個老婆...一個女...同埋一對腳...
最後自己咩都失去哂...原來一個大話...真係可以令到自己一無所有...
呢套戲令我知道...就算自己有過D咩好與唔好0既過去...
只要肯坦白咁講出黎...對方點都會去接受同原諒...

---『少見面~多掛念』---
少見面多掛念...但多見面就更加掛念...唔係咩?...
聽日開始返工喇...開始會少左好多時間同精神...
如果可以日日都對住我最愛0既人...我唔會覺得厭,悶,煩...
我最怕係對方會有呢D感覺...所以都盡量做得唔好咁痴身...
不過聽完一個朋友講...可能我同對方都做緊相同0既野...
就係掛住對方...但怕對方唔得閒或者驚煩...
最後就係大家等緊大家電話...係咪唔夠了解?...係咪唔夠默契?...
從今日開始我地要努力...學習了解一下對方...