今日有recruitment，我有份in人，感覺好得意。我去面試都俾人考得多喇，今次仲唔輪到我？哈哈。

因為今次見既係F.5 fresh graduates，多數沒有工作經驗甚至面試經驗，所以表現緊張，也有不少笑料。以下係其中一條問題：
Q“如果有小朋友在店鋪內誤吞淋浴露，你會點處理？”
A“嗯，我會先了解淋浴露既成份，睇下佢刺唔刺激；如果刺激的話，我會俾啖 水佢飲，再報警．．．”

聽到呢個答案我真係好"刺激"囉，試問有咩淋浴露溫和到飲落肚都無事架呢？仲有時間同心情去睇產品成份？個下真係好想笑，但又唔可以笑，忍得勁辛苦。不過，反而兩個男仔又表現幾標青喎，證明男仔都可以做謢品sales既。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放工前要同DOMs的經理們開會，因為佢地太忙，我要等呀等，等到６：30先開始（我本來收６點架）。因為會議由我上司主持既，所以其他人自然留意到她身旁的陌生面孔，於是要求我介紹自己〈之前都撞口撞面，只是我不知道他們是誰，他們也不認識我〉，好呀，而家叫做有名有姓，不再怪怪的。

這裡的人真的很不同，完全沒有架子，而且很幽默，我介紹自己叫Minie的時候， 有人即叫：“我叫cooper”，佢個樣認真到呢～你見到會好想笑囉。個Toby見應徵者份CV寫：“要求待遇－＄XX低薪”（底薪寫成低薪），笑到青筋到出埋，哈哈，好衰呀！

雖然大家都已經好攰，但都依然都好認真咁刨手上份文件，真係好感動〈因為份野係出自我手架〉。當介紹面試個GAME，阿頭仲叫我講添，話我先係設計者，搞到我唔係幾好意思。

過埋聽日就又放假嚕，今個星期過得好快。