第二天:
早餐(飯店) -> 中正紀念堂 -> 珍珠養殖推廣中心 -> 九份 -> 自費午餐 -> 深坑豆腐街 -> 京華城 -> 西門町 -> 自費晚餐 -> 飯店 -> (自由活動時間)西門町

嘩! 7:00起身啦．．．因為行完夜市0黎,又唔夠訓．．．超眼訓,腳又!
到我做左低B婆~(你睇下我張相就知我連件衫都調轉黎著...醜死怪啦!!!!)

食完早餐就出發到*中正紀念堂*啦~
唉．．．最靚0個座建築物竟然維修... ><
*中正紀念堂*主要講中華民國既歷史,所以大部份都有關蔣家,我淨係識得孫中山.所以好多野都唔太明...
等我介紹下啦
呢8部份有:
1.銅像大廳
2.文物展視室
3.演講廳
4.圖書館 <--最想去睇~．．．一個展覽館裡面有埋拉把,我真係覺得好勁!!!
5.懷恩藝廊 <-- 睇相好靚架~~
6.中正藝廊 <-- 入面好多展覽館．．亦都想去~!!!
7.瑞元廳
8.蔣公紀念室
[原來*中正紀念堂*有八個觀光點咁多架(我都返0黎香港先知咋!)．．．導遊帶左我地去一個觀光點-文物展視室咋．．．搵笨呀~回水呀~．．．呢個觀光點仲要係最悶果個．．搞錯呀！！！]
所以我淨係睇左好少野，同淨係影到*中正紀念堂*既外觀咋!

第二個站仲離譜．．．
去左政府規定跟團一定要去既*珍珠養殖推廣中心*，
0個度顧名思義就係推廣珍珠架啦．．．
入到去見到d珍珠得丁屎咁大粒．．．仲以為係咩咁勁．．(因為之前唔知係政府規定一定要去)
行左一個圈，就成團人入左一間好似課室咁既房聽lecture．．．Hahah~~
原來要琑我地買珍珠末，珍珠膏．．．佢地為求做成生意．．仲迫人食一啖珍珠末0忝！
超貴呀．．．咁都唔係最離譜，最離譜就係佢地猛煩住人買，話左唔買架啦，係人都唔受佢個套啦~
好反感．．．好想即刻走!

終於可以去食午餐啦~
呢餐係自費．．．所以導遊安排去*九份*自己買野食~
個度好多野食架．．．自從第一餐之後，我就好小心唔會亂咁買野食，因為實在太驚買左番0黎係甜，到時唔食就㎡啦嘛
首先講下有咩食．．個度有牛肉麵，芋丸，燒豆腐，切仔麵，魚丸，刨冰，茶館，街邊小食．．．
佢地d食店同香港好唔同，香港餐廳有好多款式可以揀，但係個邊比如賣牛就得牛，好專一架~!!!VeryGood呀~
除左有野食之外，仲有好多騎呢野賣
我係個度買左一個陶笛同一支竹笛，本來仲想買支蕭架．．．
但都係唔好咁貪心lu．．．吹到氣斷都唔知點算~

0係九份飱飱食完野，又要再去食啦．．目的地就係*深坑豆腐街*
Wah．．．第一檔已經係勁野．．．雖然係九份食左一次，但都要再食
佢地d臭豆腐好唔同香港架，香港個d係聞到臭食落香，台灣個d就聞唔到臭食到臭．．

行左成日街，又唔夠訓，真係死人啦．．．
到左黃昏仲要去*京華城*．．．你殺左我啦不如!!!
*京華城*係一個24小時開發既商場，不過唔係間間shop都係24小時開架．．可笑~!!
一間十五六層樓既大型商場，竟然俾得個45分鐘行．．．
雖然好o者，都唔係咁呀嘛，行條毛牙?
好彩有得玩，商場門口有類似嘉年華會咁既野
玩左個超得意既甩尾車...好過癮架真係~~~
由於得45mins既關係，玩完車之後都冇乜時間淨
所以我淨係去左台灣好出名既*誠品書店*．．．
雖然我冇睇書既習慣．．．但我都好想有個咁既書店係香港．．．

真係名副其實由朝行到晚呀．．．
下一站唔係天后．．．係*西門町*
個友俾得個兩個鐘．．點行得哂*西門町*呀?話哂都香港銅鑼灣呀嘛
實際要行既野大個兩個銅鑼灣呀~．．．有病!~
所以我決定左唔跟大隊返飯店．．．自己鍾意行幾多個鐘就幾多個~
跟左導遊食完個好出名既*阿宗麵線*之後 就自己出發周圍行啦~!
超低B，我地竟然迷路，由於個度好大，
我地好白痴咁係幾個地方兜左有3個圈咁多 (總共9個圈以上)
你要知道一個行左20個鐘既人係幾咁High
係個度唔食番夠本簡直唔係人呀~
呢d唔知係撞手神定係d野周街都咁好味．．．食左個超好味既餃子
我以前唔鍾意食架．．而家呢個冇得頂呀．．
皮薄，軟，有口感，唔會太”臨”．餡又靚，香，好味．．．真係好正，
仲要係超新鮮，因為我地睇住佢即場包架d餃子~
食飽飽啦．．．返飯店lu~~~
7:30 morning call．．．都係死~!!


[後記:自從0係九份我就開始適應台灣d野食，可能我揀親都係唔太甜，係行西門町個時最開心，雖然我地行左好耐，要搵既牛肉麵又關左門，但係行到幾乎熟哂西門町咁滯，又食都咁好食既野，好好feel呀!!!]

photo:check this out
http://community.webshots.com/album/88570010igCsRH