香港o既秋天越來越短啦

天氣極速變凍同乾燥,真係好辛苦

好彩上個禮拜冇咁乾o既時候已經進行o左一場BBQ

又係差唔多呢d聖誕前聚舊

(其實都係掛名聚舊o者,事實上係有一要帶新囡囡o黎交代)


講真，鍾意食好o野o既人/大小姐/大少爺未必會鍾意BBQ

一o黎，食物通常都唔係最好質素或者最新鮮咁

二o黎，嬌生慣養o既人唔會識/唔鍾意煮o野畀自己食

就算你唔係以上類別，大部份人包括你只係享受叉o左d野轉下轉下咁

係咁轉轉下轉轉下，有d人就超認真去燒出完美無暇o既雞翼

相反，有d人就超求其，熟唔熟都好少理，總之食唔死人o既都會擺落口

最離譜就係，有d人根本連支叉都唔識”手查”，糟蹋到d食物落哂d碳o既手上

諗諗下BBQ真係幾似談戀愛

”識食”o既人往往鍾意貪新鮮，日日夜夜迴轉壽司咁多款都唔夠

”大小姐/大少爺”就鍾意愛人服侍，付出少但要求多多

”太認真”o既人事事細心，追求完美度，另一半可能會好辛苦

”求其”o既人最緊要就手，其實可能佢同邊個拍緊拖分分鐘都唔知

”最離譜”o既人糟蹋愛情，咪就係冇品賤格o既壞情人囉





我係邊種人???

agagagagagag

梗係唔話過你知啦~~~~~