今日又係----等
等到我就o黎發火
隻碟9號訂...今日先送到o黎
仲要5:00pm我先收到...好彩冇早收工
唔係我今晚實訓唔著

如果唔係有簽名版
我一早就o係博客來訂
因為上次阿哲(張信哲)本書超快送到又包得好
今次實在大差
收我咁貴郵費...又唔用速遞...只係用普通空郵掛號
最衰就係整凹o左隻碟個盒....好乞人憎呀
包又包得衰...就咁搵張紙皮包住算
本來我應該好開心
但已經搞到我冇哂表情....


之後梗係check碟啦
點知仲衰....隻碟面黏o左好多紙碎....
好彩隻碟冇花到....唔係我殺人都似



話雖如此....
我一路睇一路聽...心情又好番好多
因為小胖子實在太可愛啦....
真係好鬼死肥...肥得o黎得人鍾意個度死呀嘛...
而家超爆勁開心加興奮呀~~~~~~~~~~
乜都唔理住先啦...要煲碟...Gagagagagagaga




呢隻都唔會寫咩comment啦
我會好主觀...絕對唔客觀
畢業之後我諗我都會寫番呢兩年幾冇寫過o既碟評啦
希望有時間..同有正碟啦



p.s.
雖則今年金曲新人冇份入圍
但我覺得小胖子已經嬴哂
支持!支持!支持!
小胖子要加油呀~!