某日, 係google個play shop無意中見到個交友apps, 竟然down左落黎, 仲玩埋一份。因為好多年都冇係交友網識朋友, 可能單身太耐(數下手指, 差唔多2年啦=.=)香港D風水xx師傅話小龍女今年桃花、財運、健康等都好好, 要把握機會, 所以就間接推動左我去接受e個現實....

5月28日--第1日認識"他", 傾左2日就交換左we chat。我唔抗拒,都有心想繼續聯絡。之後交換埋FB。係短短25日入面(計埋今日), 我認為算係私隱性較高既"臉書"俾左e位網友, 究竟我係怕太過寂寞, 唔想失去1位難得可以"傾到幾句"既網友? 還是...有另一種想法?

天秤座感情豐富, 好容易對1個人有好感, 加上, 係e個moment...重點係, 到現時為止, 同其他人既投契度唔及佢, 我覺得..開始有D依賴佢..每日都會望下手機有冇we chat個logo出現, 如果有, 會唔會係佢呢? 如果唔係, 我又會有少少失落, 諗下佢係度做緊咩呢? 點解唔搵我既? 一大堆不切實際既想法湧現晒出黎...

見到佢既msg, 我總會笑。為左盡量記得同了解佢為人同生活等事(我記性差XD), 睇返同佢既對話, 我會會心微笑, 其實, 咁樣算係對佢有好感? 還是已經漸進為"喜歡"?

我一直都壓抑住對佢既感覺, 希望唔好變得咁快, 我真係怕, 有1日會失去....有時又會幻想下, 如果我地一齊左有咩結果? 答案係..冇好結果! 主因: 佢係香港, 我係澳門; 佢比我細。長距離戀愛我已經領教過, 會卻步....

唉... 不過諗咁多做乜丫.. 人地又未必有意, 或者佢當我只係朋友, 甚至係姐姐呢...=.="點都好, 暫時我能夠做既... 只係keep in touch, 保持住e份友誼....