今日有幸訪問鐵人兄弟,同佢地拍完野之後o係度吹左一陣水,真係從外表好難估到佢地原來已經畢左業十幾廿年,仲已經成家立室,但係三個三十幾歲既男人玩起上黎仲好似大細路咁,好搞笑,而且佢地既外表真係好似只得廿七八歲咁樣,原來一個人既年齡真係一d都唔重要,我成日以為自己已經唔再有青春,唔再年輕,但係今日同佢地相處左一陣之後我發覺青春同年輕一直都仲o係自己心入便,只係睇下你仲去唔去善用佢....

同winson傾左咁耐,其實佢講既好多野我一早都已經知道,但係佢講完之後我又好似重新先醒覺咁,佢勸勉我要勇於嘗試,敢於創新,其實我一直都知道應該咁做,但係好多時自己都遺忘左....或者係好多時都搵唔到創新既路向，但其實唔須要架，只要隨意踏出左第一步，第二步好多時都已經出現ｏ係眼前．．．

好振奮係因為佢話:"你仲年青,唔怕輸,而且即使輸,你又輸得幾多?"
係呀，趁我仲可以做自己想做既野既時候，我應該更加用心去做好佢
哈哈～好耐冇俾人話過我年青喇

呢一排我覺得自己做既野已經有點行貨既味道，好多謝曾經話過我既人，因為係你地令到我醒覺，令到我知道我應該俾返ｄ生命力俾我既作品，而唔係死氣沉沉咁繼續落去
係時候點火喇，燃起我心入便一團video presentation之火~~
我要做返一個專業之人喇


好鐘意winson既一句說話:"有人欣賞你咪叫做才華囉,冇人欣賞就...."



好欣賞佢地，ｄｅｓｉｇｎ人講ｄｅｓｉｇｎ野，每一句都好有ｐｏｉｎｔ
好有得著，訪問鐵人兄弟