歐洲國家杯終於踢完喇,我喜歡既荷蘭隊步履闌珊之下闖入四強,雖然最後都輸左比葡萄牙而出局,但其實都已經算係一個唔錯既結果喇,要知道今屆荷蘭真係踢得平平無奇,教練又庸碌無能,能夠殺入四強基本上都應該收貨喇,因為實在荷蘭都的確未夠能力同說服力去贏每一場比賽...

但仍然好勞氣,勞氣既原因係因為竟然俾希臘拎到冠軍,好離譜....
每一場希臘都係咁消極,務求唔單止悶和對手什至乎要悶死球迷,我真係諗極都唔明白點解希臘每一場都係得幾個攻勢就可以成功俾佢地入左一球,相反,捷克,葡萄牙呢d咁進取咁悅目既球隊咁多攻勢都唔可以轉化為入球....
結論應該係證明左一隊球隊行運既時候真係冇野可以阻止佢地...

我諗冇人會認同希臘係最勁既球隊...即使俾佢地拎到冠軍又如何....

當我見到尼維特,費高,雷哥士達始終都功虧一簣,而且同樣都係敗o係希臘手上...
我更加討厭希臘....

唔希望希臘既成功令到防守足球從此大行其道..
足球唔係咁樣踢的..
唔係淨係練體力,防守同死球的..

足球係要進攻架~
拿出勇氣來進攻啦~係咪男人黎架,淨係掛住守,damn..


進攻足球不死~
捷克,葡萄牙,你地冇輸到呀
你地只係得唔到幸運之神既幫助
你地已經贏左好多人既支持喇~


好勞氣..好失望....