都隔左半年無睇過，近日睇番，領悟唔少人生道理。

　　二十歲人，一事無成，中五畢業，愛情又失敗，係一個幾典型失敗男人。不過我自己又會從另一個角度睇，就係讀得書多，唔等於搵錢多。工作上面，我認為睇興趣較多。等左好多年都未等到馬伕呢份工作，但願意花上畢生時間去等，因為係我興趣。

　　讀書啦，仔！讀書啦，細佬！不久，便會在耳仔周邊響起。自己明白讀書的重要性，但又有乜書o岩讀呢？可能有人覺得逃避，但呢一刻確實有心機去讀。自己還是覺得在英語有進步空間，不斷開始計劃自己將來。

　　愛情就真係失敗到喊。小學時只係對一個女仔有感覺，但無結果的。中一o既時候都幾愉快，從來無去諗過感情呢個問題。直到中二，又係一個女仔俾到一種感覺我。細個o既時候，會諗埋一邊，但當你大個左，就會睇得開d。我自問會好好照顧我所愛的人，但又有幾多個俾我照顧呢？中學果陣，反反覆覆，都會去作其他嘗試，當然都係有決心去照顧佢，都無一次成功。會考完左都成年，我其實係開始慢慢放下心頭石。
　　那個故事的終結，卻是這個故事的開始。對於今次o既追求，我仍然抱著信心，而且會改掉以前的惡習。可能，對方會強調自己「隨感覺走」、「對我沒有感覺」、「喜歡自己愛的那個」、「十分堅強的人」。其實我統統明白，才認識兩星期多，我願意放時間的。被看似是纏繞，何不看待成真心？呢個係我立場。其實我明白自己唔係靚仔，又唔係高大威猛，只係好仔一名。
　　好早好早已經係確認左對方o既存在。當時我覺得係兩個世界o既人，我唔會胡亂去開拓或侵佔的。時間過去，輾轉地被我發現對方的身份。呢種係一種奇妙的緣份，對方當然是不知來龍去脈。這並不代表對方一定跟我一起，但我卻願意承擔起照顧對方的責任。對方可能有更多問題，其實有不少程度我也了解得到，又不能說對方鎖上自己心窗。我自己會盡力做好，只是對方是否願意踏出這一步？

　　很快便到二十一歲，一年又過去。這一年的目標還是要認真的定立。但必定是努力工作，盡快儲錢。同時，重新鍛練自己龍獅藝。老實講，年中暑假可能跟朋友到日本旅行，我真係想對方陪我去的，可惜，事與願違吧！呢一年係踏出社會的一年，我無謂逼得自己咁急，但其實人生匆匆數十載，有d事都唔急唔得。

我預計到無乜人會睇呢篇野
也許是這晚的牢騷

我每次都期待下一篇會是妳與我的開始
再也不寫下去，怕有終結 .......
很簡單地去愛一個人，只怕對方不愛自己
空談空談，也許始終要了解過才可以吧