呢兩日嘅心情都好冇mood呀!!真係我唔明白點解d人成日都會遲到,一d時間觀念都冇,最攪笑係佢地明知自己實會遲到,但都唔會打電話俾你通知聲,而係由得你去等囉.........
尋日就係因為我有兩個fd遲成大半個鐘,本來初初都冇嘢架,諗住最多咪自己行下啦,點知就越諗我就越慶,雖然佢地嚟到都有say sorry,但sorry大晒咩,一次係咁兩次係咁就話啫,之後我完全接受唔到佢個句所謂嘅sorry呀,反而我自己都估唔到嘅係,我講咗句粗口嚟回應佢地個句sorry,雖然我都知我係唔啱,但當時我自己講完都覺得點解我咁順口咁彈咗句粗口出嚟,不過我真係知道當時嘅我真係好嬲,最後我仲自己走咗去,到差唔多係食dinner時先再出現,因為我地之前已約咗去邊度食dinner,加上仲有兩個fd join埋一齊,不過我依然冇啋佢地........攪到我尋晚聽Anita Mui嘅concert都冇心機睇!!!!

有時候,我真係覺得自己好戇居兼白痴呀,明知某d朋友真遲到一族,但依然都準時赴約,成日都認為可能今次佢地會準時呢,萬一自己遲就唔好啦!!我實在太憎自己有呢個諗法喇,永遠都係做等人嗰個,我諗都係時候對自己好d喇.......

不過我尋晚做咗樣我未做過嘅嘢呀,就係睇完concert後因為要坐火車番屋企,但因為普通車廂已經冇晒位喇,加上又好攰喎,於是乎咪走去坐頭等囉,起碼有位坐又唔洗同人迫先啦!!記得以前細個成日都想坐頭等車廂架,當然我屋企人都唔會俾我咁敗家啦,但尋晚竟然實現咗我細個嘅"夢想"呀!!!