今日經理終於放完假番嚟喇,但唔知點解今日佢突然間俾我覺得佢多咗d威嚴,成個經理款提高咗(雖然佢真係經理),因為平時見到佢我都唔會因為佢係經理而怕咗佢,亦唔會專登係佢面前扮有嘢做,扮忙,即使個時得閒都好,但今日我竟然有d怯........點解呢????冇理由架.........奇怪~~~

頭先同阿亮食飯時,竟然係停車場見到阿榮架車,最攪笑係我同阿亮竟然不約而同地都想整"估"佢(架車),我地將佢架車嘅水潑楝起晒,雖然好無聊,不過見到架車咁"特別",都值得丫.......唔知聽日佢見到我會唔會話我呢??不過我當然會扮唔知先啦,哈哈.....

前幾日買咗兩支eye gel同eye essence,我覺得都幾work呀,雖然係貴咗d,不過都可以用好耐嘅,起碼而家都冇人同我講"嘩,你隻眼好腫呀!!"同埋話我黑眼圈勁囉......