14/1/2005
一心諗住接完polly同rico去NTT就返房訓
點知原來咁唔full既NTT無哂d平房...
時鐘酒店又一定要一男一女先book得
咩鬼規矩黎嫁...有生意都唔做??
咁樣我地三條友就坐左係hall can出面既台
好在有d野食下~~又有雜誌睇~~仲有mp3聽:p
發現原來我地應該係同一段時間係wish出現過
只係大家都無留意到大家@@
坐到差唔多六點...坐左成兩個幾鐘
出左九龍城飲早茶~~係間好舊式的酒樓飲
個阿姐好搞笑...一入到去問我幾多位
我話三位...佢就話"咁上去樓上啦.....乖...."
=_=唔知點解要加個"乖"字lor...笑爆咀
上到去有個婆婆又係咁問我地食d咩....成晚無訓...load唔到野
諗左好耐先叫左三碟野食~~d腸粉好好味~~有別於一般酒樓所食到既
一路嘆茶就一路嘆報紙...生果日報頭條....
三個小六生打劫一個小五生=_=仲要淨係搶左一張八達通咁大把=_=
俾人捉左仲要串串咀咀咁....報導又話佢地既口吻似足電影入面黑社會既人咁=_=
宜家呢個咩世界???d十一二歲既死豆釘都咁惡??
最可惡既係...佢地阿媽竟然撐佢地lor....咁樣d細路邊識死呀
飲完早茶打的返hall~~返到房就即訓~~^^
三條友一張床~唔知佢地點迫埋黎喇~~keke
十點鐘起身去徫衡影team相~~好死熱呢~~
好在yonnie有多套track~~唔係我都唔知點影喇
影完相就去左聯福飲茶~~鄧sir真係一個好搞笑既instructor~~haha
特別係佢同eli既化學反應~~haha
真係笑死無命賠^^"
係聯福坐左勁耐~~勁吹水~~
走人之後去左steven hui打羽毛球~~超抵十二蚊一個鐘~~
又唔駛show學生證~~即興既節目真開心^^
打完去左新can食tea~~繼續鍾情熱狗薯條~~~
但係杯凍檸茶係有醫院味.....個個都飲得出~~
但係rico話無問題...四萬就話有薄荷味....總之就有怪味啦~~
坐係新can又吹水~~~五點幾先散水~~
返hall上左陣網~~頂唔順去左訓一陣.....
諗住六點半去jsc練波,點知七點子莉打黎先醒
但之後又繼續訓.....九點先起身....落hall can買飯食
係lounge一路睇"飛黃騰達"一路食~~d人講野真係唔留餘地嫁lor....
超針鋒相對.....好似人地係殺父仇人咁....一d大將之風都無.....
係爭名奪利既社會下,人要生存就係要咁樣相處???
之後睇左一陣真人版既102斑點狗
再睇左National Geographic: Last Man Standing
講人類的發展史,原來人唔本來唔係得一種人
生物學家將宜家的人定名為modern human
係唔知幾多千萬年前係有"露西","平面"等類似人類的猿人
之後進化到一種叫"直立人",呢種生物識得利用工具
而且身體結構進化到可以跑步~^^
就係咁,相類似既生物開始離開非洲生活~~而且出現肉食種類
到左後期,佢地去到一個島,發現有一種人既身高係俾morden human細一半
生物學家發現,唔同既人種應該會係同一個時期係同一個地點生存
但點解到最後得番morden human係度生存,佢地相信係因為基因既突變
令到人類出現左一種叫"語言"既野~~morden human因此而有溝通~~
有合作,而且佢地既腦部亦都比起其他人種聰明
呢d節目又幾得意wor~~可以知好多野~~而且又可以學下英文:p
睇完就再睇鋼之鍊金術師~d劇情真係慢到可憐...我無睇咁耐....都仲知佢講咩=_=
睇完就返房~~聽日比賽呢~~~keke
係wor~~今年連樹仁都出女子手球隊打大專wor@@
一定好好玩