睇大長今既時候，閔大人同長今講，一個人愈叻，佢面前既牆就愈來愈高，因為身邊既人會因為佢既才華而妒忌佢，繼而唔同佢做朋友，再繼而叫埋身邊既人疏遠佢。

以我既理解，即係話一個人既才華同一個人既朋友數目係成反比。個人愈叻，朋友相對會少d，個人愈欠才華，反而會有多d朋友。

呢個理論好似都ok準確，睇睇身邊既朋友，一d好叻既朋友，身邊既朋友又真係會比一d平庸得好似我咁既人少。

不過，有結論之前應該define一下究竟咩叫做「叻」？

「叻」有好多種，唔同既人對叻既看法亦會好唔同，有d人會覺得A小姐叻因為佢讀書勁，有D人可能會覺得A小姐未算叻，B小姐仲叻，因為B小姐又要讀書又要番工，兩樣都兼顧到，好勁，但係C小姐好似仲叻，讀書叻又要番工朋友仔仲有好多tim。

其實有時太叻既人正因鋒芒太露而被人妒忌，以致引來大量「唔順超」的眼光。所以我諗鋒芒畢露先係朋友少的主因。

全世界佔99%既人都係會有妒忌心既，朋友少都係因為叻人既「extraordinary hi-profile」同世人心中潛在既「jealousy」作怪。

所以呢，以上既theory完全可以被refuted，provided that個叻人「叻」到知道何謂實事求事，孤芳自賞。