好燥呀!!!!!!

上星期五趕住收工, 又知道大老闆今日會返黎簽名, 所以今朝一早八點就返到公司...但因為有好些T/T要等上海回覆, 一返到去就馬上check email, 知道冇錯的馬上mark簿, 有問題的又要等"人"返黎睇...

其中有一張invoice之前已經找左數, 俾上海發現唔明點解又找多次, 因為invoice唔係我負責, 我要等"人"成八點九返到公司先問到, 很不幸今日大老闆好早就到, 九點都未夠 =_="

大老闆返到黎即刻開始簽野. 係呢段時間...唔理三七二十一...話之佢忙緊咩都要佢覆我啦,點知佢都係話唔得閒. 時間緊迫,唯有我自己摷我既record啦,點知原來真係找左架喇!!! 我冇再理佢, 即刻再打過張啦,同佢講番一聲,佢就話係呀之前找左啦,意思即係寸我,你自己打錯野關我叉事...

."/. 個一刻好嬲! 因為我好記得明明之前張invoice俾佢寫到亂七八糟,佢話再印過張寫清楚俾我, 如果已經找左佢又寫落去做咩???

明明係佢做錯野,攪到我個一刻的野亂晒籠,仲要大老闆又係度睇住我七手八腳,俾佢屈完仲要俾大老闆睇住我好似我辦事不力...真係好嬲呀!!!!!!