登...登...登...登......

終於到._/.既生日喇, 雖然佢睇唔到, 都係到同佢講聲生日快樂啦!!

尋晚去左整蛋糕, 諗住送俾佢同佢一齊切, 但係蛋糕最後都只係變成一個忌廉團...因為阿sir既一時計算錯誤, 我同其他同學仔焗既蛋糕居然係未熟架, 最後唯有係一的好既蛋糕度分勻出黎, 所以我個蛋糕只係得大約1/8係蛋糕其餘都係用忌廉deocate...

佢一黎到接我...已經同佢即刻搭車返屋企...(慎防會溶)...之後返屋企放入雪櫃...到今朝同佢一齊睇都係未硬架...我諗都應該唔會硬架喇 (其實我無聽過忌廉會雪得實同硬...不過都係阿sir講既 =_=")

而佢既生日禮物就係一部Sony Ericsson型號K700i既手提電話, 我諗佢應該都鍾意既, 不過可能之前問過佢, 所以佢無咩驚喜...

不過其實佢既生日都令到我幾開心...因為所有我為佢做既野...我都有所得著 ^ o ^

買部電話俾佢, 個sales又送左好多free gifts俾我:
1. 一set保護貼紙, 充電座, 一舊電同headphone <==唔岩用, 唯有送左俾佢
2. 藍芽耳筒 <==都係唔岩用, 又送左俾佢
3. 整朱古力機 <==當然留番俾我啦 ^^v
4. 暖水壺 <==我咁怕凍...當然又係我啦 ^^V
5. 超人特攻隊水晶座 <===佢好鍾意呢套戲, 所以都係俾左佢
6. 怪醫掛身電話繩 <===特登揀左佢最鍾意既黑色, 更係俾佢啦

另外, 去焗蛋糕因為入左會, 尋晚又收到一套迎新禮物:
1. 一個沙律碗
2. 一對沙律叉同匙羹
3. 一套調羹
4. 一個迷你磅

所以真係幾開心架...