星期六晚, 同多多佢地分別之後, 便和._/.無無聊聊地逛旺角

和他一齊的時候遇到一位會計師樓的人和一位舊同事, 現在怕的是樓上的會計師staff會跟我舊公司哪邊的八婆說三道四, 到時, 我諗佢地都會估到同我一齊既係邊個......

沿途行街時, 捽眼把隱形眼鏡都捽掉, 所以他便送我回家. 回家前係附近食野, 但係時間都仲好早, 所以便叫佢上我屋企坐.

返到去, 我阿媽整埋少少野都走喇, 剩低我女麻女麻係度睇住我兩個. 玩下玩下都夜喇, 佢都講左幾次話走, 咁我出去諗住整埋的野就送佢啦, 點知我女麻女麻突然間話都咁夜喇, 叫佢係度過夜啦!!! 我返入房同佢講, 佢話好似唔係幾好既, 不過我都係睇你頭咋, 最後...佢都係留低左過夜... (其實原先佢係諗住星期六晚同我去大嶼山過夜, 但係因為未過七月, 我唔想去, 所以最後都留左佢係我屋企, 還左佢一半既心願啦)

訓到第二日, 同佢出去食野, 經過屋企樓下檔口, 連我阿爸都見埋喇. 食完野佢送我返去中途, Kristy打俾我叫我出去食野, 係巴士站陪._/.等緊車既時候, 佢都出現左, 又見埋佢喇...

同Jessie講起, 佢話得番佢未見, 唔通真係要去西灣河扮撞到先有得見 =_="