2010-05-16 19:37:25小魔女
2010年 5 月 7 日 星期五【健康院-第五次檢查】
有一次遲左登記之後，宜家次次登記都係要十點鐘，約唔番9點鐘喇！唔知係咪真係天水圍特別多人既關係呢？每次去都見到好多人，護士又好似好忙咁！不過算啦…為左近近地唔洗去咁遠睇都要架喇！
今日已經27週喇，時間越來越快呀，今次磅重59KGS，護士話我有改善喎，重得少左，無之前咁多！可能我宜家無再食芝士，一日都係飲一盒鮮奶，食野方面，覺得肚餓先食下野，唔會時時刻刻都搵野食，咁樣可能好左啦！
護士話我有對腳有小小水腫，最近可能著太薄既鞋，腳板有小小痛痛地，都係要著番厚底既鞋先會舒服些，想去DR.KONG買孕婦鞋，點知又無我碼，宜家著鞋都係求舒服，都唔可以太過要求款式喇！無辦法啦，唔想自己著得辛苦，希望可以去其他分店睇下有無貨啦！
最近可能ＢＢ越來越大，食飽飯時會感覺到有小小胃痛！唔通已經開始頂到我既胃部？陀仔其實真係唔容易架！
健康鞋都有好多品牌, 有時間去睇下, 買對自己著得舒服既鞋好重要架~~ 好快bb就出世...加油呀! 預產期係7月尾定係8月呀??
版主回應
係呀, 真係舒服既鞋好重要架, 但...真係幾難搵到架~我預產期係8月4日呀! 2010-05-18 18:52:26
其實我宜家都鍾意著膠鞋呀!! 又舒服又唔怕落雨...咁你買到對鞋未呀?? 我聽人話有d人腫到要著拖呀!!
我都有小小腳腫, 但又未算好勁囉! 2010-05-22 16:46:28