大家都變左 情愛再唔重要 重要既係未來 係自己
冇左呢個咪搵過第二個囉 下一個又會係最愛
人會變 月會圓 冇咩野係唔可以變
以前以為愛情就係全世界 自己既世界就係圍住果個人轉
呢家發現自己既世界應該為自己轉唔應該係為人地轉
以前以為乜都為對方諗就係體貼
呢家先知體貼同扮偉大只不過係一線之隔
體貼就係心甘情願咁去做
扮偉大就係做完心裡面就一大堆唔情願
呢家明白其實又何必委屈自己
做得好又點? 分左手 邊個仲會記得?

就算記得又點 人地只會當你既付出係應該
最多講多聲「多謝哂」「感激哂」 留低既只有你自已同一堆委屈
冇人會覺得你可憐 大家都知 呢個係你既選擇 要怨只係怨自己
慢慢 大家都開始明白投資自己比投資人地 回報率會高d
講真 唔係大家變得自私 只係人大喇知道要愛自己
現實生活就係好現實 過左去就係過左去
已經冇人再想睇愛恨情仇就8點檔
以前唔明點解人越大越冷漠 呢家先明白 唔係冷漠係麻木
對果種重覆上演既橋段麻木 好多野已經唔係咁大感覺
情感既得與失 遠比 事業既得與失 既打擊黎得輕
老細 愛情唔係真係可以飲水飽 冇得食我實餓死囉
已經再冇為愛情不顧一切既能力 因為真係唔抵諗


大家都想未來可以吃得好住得好
我仲記得art lo講既一句
「點解人地揸benz你搭巴士?」
我以後唔一定要benz亦唔怕搭巴士但係我至少要架mini或者甲蟲仔
甲蟲仔唔平架要價港幣40萬仲有一堆保險、車位、保養乜都要錢架
愛情俾唔到錢我 只有自己努力先可以賺到錢俾自己
做人現實d自私d其實冇乜唔好
自己都搞唔掂 憑咩搞咁多野?

唔知從咩時候開始 我開始搏哂命咁讀書
每次睇左d數字越黎越大 心就越踏實
佢地就係我未來既保障 唔一定保我有車有樓 至少保我三餐溫飽
我想獨立 佢地就係工具 冇錢冇能力獨立個頭咩?


就黎又19 我太了解我已經冇機會再失敗 再重頭黎過
世界唔等人 你唔得仲有大把人得 你停人地係你身上踩過去
我既未來 係我手
就算呢家日日熬夜溫書 放假同番學都冇乜分別咁
我真係冇所謂 所謂一分耕耘一分收獲
以後就靠呢d野食飯

可以話我自私 淨係識顧自己
但係顧得人地 咁自己呢?
係自己食唔飽著唔暖既時候邊個可憐你?

我睇清事實
不顧一切都要將我自己推上去
生活 本來就無情

生存 本來就要不顧一切

希望想改變既朋友可以真係改變到
希望想入到自己想入既學校既朋友可以入到
大家齊齊努力!
希望乜都變哂既時候 我地既友情唔會變!