最近有人同我傾左一個幾有意思既感情問題,
”如何談情才叫做有意義?”

我聽到呢個問題,第一個反應就係:點先叫做有意義?
關於”點先叫做有意義?”我諗左好耐,發現”有意義”呢3個字其實可以好personal feeling。
當你在意一樣野,呢樣野對你黎講已經有意義而果樣野本身既意義等同於佢存在既理由。
存在既理由來自你在唔在意,因為你既在意,等同賜予佢存於世上、存於你心裡既理由,相反如果你唔在意,呢樣野根本就冇存在既理由即係冇意義。
for example:你做左樣你覺得冇意義既野,即係你覺得冇需要/唔應該去做呢樣野同時亦等於你否定左佢存在既理由,因為你覺得佢根本冇需要甚至唔應該存在。
所以即使人地覺得你做既野有意義都冇用,因為呢樣野係你做既,”你”對呢樣野既睇法先係最重要。

諗番第一個問題,我發現左一樣野。有冇意義係1個人自己好私人既睇法同問題,但係談情唔係一個人既事,係2個人既事。
有冇意義,係呢個situation就唔再係personal feeling,而係需要主角2人都在意先可以令”有意義”成立,其中一個唔在意等同”冇意義”。
一段感情有冇意義,需要主角2人都認同佢既存在理由。無論係現在式定過去式,只要主角認為果段感情有佢存在既理由,不論過去未來,呢段感情都有意義。
講到”如何”,同我傾呢個問題既人提出左好多關於拍拖期間好多既小細節,例如:會親密d牙、會成日傾電話牙、會眉來眼去etc.
佢覺得如果冇左呢d小細節,等同雙方或單方唔在意或呢pair人只算係朋友唔算係情侶,相對黎講咁樣談情等於冇意義。
但係我覺得最重要係雙方個心都有對方比較重要,只要2個主角都覺得冇問題,果d小細節不過係一般人認為需要有既情節,同主角冇關。
如果2個人因為環境等等既問題冇辦法做到正常情侶做既野,佢地既感情就等於冇意義,咁就唔附合一開頭所諗既”2個人既事”,
因為呢個”冇意義”係一般人既睇法,同主角既睇法1d關係都冇。

綜合兩條問題既答案,我發現左一個新問題。
基本上2個答案都屬於”個人感覺”。
咁即係話”公說公有理,婆說婆有理”各有各講架je..

其實到底呢個問題有冇一個公認既答案架呢?
定係佢既答案就同我所講既一樣?
i can’t find the answer.

it’s really a intresting question.
我好似都係第一次諗呢種問題。
搞到我個腦彈左好多問題出黎...題題都空白冇答案...


其實拍拖需唔需要有意義呢?
拍得有意義對拍拖係咪真係咁重要?
拍得有意義同拍得冇意義有咩分別?
所謂拍得冇意義即係點解?
拍一場冇意義既拖有咩問題?
...
could someone give me the answer?