今日終於將嗰100題睇哂，不過有d都係吾識解俾男朋友聽，sorry~

食pizza 做dinner, 好味 ^^ pizza hut 又進步左，神速啊 !

食食下，忽然間吾開心，仲要俾吳豬發現左，  吳豬越黎越西利啦，點算.... 逃吾過佢法眼tim !  其實我都吾知點解吾開心架吳豬............ 女人嘛，心情靚嗰陣咪笑騎騎，吾開心嗰陣咪吾出聲囉~~ 無話因為d乜野ge....

後尾忽然間好想喊，又係唔知點解今日特別想喊，唔係我唔想話你知我點解會咁，只係我唔知應該由邊忽講起，所以，無事啦，日日都咁開心，係要間中有一日唔開心黎調劑下。

啱啱睇左段文章，其中有一句係: 明年，你還愛我嗎 ?

然後就係msn問吳豬，哈哈，好白癡ge做法。

現在是2010年, 9月6日, 星期一的零晨12:02。

我大學生涯最後1個暑假，正式宣告結束，好唔捨得，真係好唔捨得，大概係因為咁吧，所以我先咁吾開心，其實我自己都唔知係咪。

其實好多時我都唔知自己諗緊乜，好多時都唔知自己想點，好多時都後悔自己做過ge決定。我知，過左去ge野就唔應該再哂時間去諗，我都知自己好多時做人都好矛盾，又眼淺又唔爭氣，一俾人講中諗緊ge嗰樣野就兩行眼淚係咁流。我都想好似某d女仔咁，堅強到咬一咬牙關就無事，但係，我真係做唔到咁豁達。

如果，敗給的是時間，那麼我唯有認命了。

原來有好多同學仔都知道我返左黎，msn問我嗰邊係咪好辛苦，係咪要搬搬抬抬，但係，我真係唔想講，可吾可以，唔好問我，因為我真係唔想提起一段唔開心多過開心ge經歷，更何況，咁多野發生左，我應該由邊忽講起好 ? 我真係唔想講，放過我吧。