21/6/05

朝早6點返到屋企之後即訓
點知訓到9點幾無啦啦彈左起身去嘔
嘩....一嘔就嘔黃膽水..勁辛苦
嘔完就返去再訓啦...
訓訓下又覺得吾對路,又衝左去嘔
之後飲完水再訓..又再嘔
重複左幾次之後....
已經去到冇力行去嘔地步
當時我好想好想食止嘔藥但又冇力去搵
我用最後既力氣同我細佬講"我想食止嘔藥呀!!"
點知佢答我一句"冇喎...."
聽到之後我好辛苦咁又訓著左啦!!!
我訓到朦朦朧朧既時候....
我聽到亞媽問"你有冇發燒呀?食左藥未呀?"
但我冇理到佢...因為我冇力氣應佢
到我終於訓醒啦...
一起身就食飯...只係食左少少
因為好胃痛..完全冇胃口食野
食完之後亞媽就講"食完飯好食藥啦!"
我就答佢"我嘔者,吾係病呀...."
我講左好多次"我嘔者,吾係病呀...."
佢先吾煩我炸...