嘩...........屎火喇..好耐冇UPATE我個BLOG喇~

因為開始返工,放工就梗係想多D同SEAN B 玩下啦!!!

話咁快,佢3個月都快黎緊喇!!!我真係失策,2個月既時候都冇咩點UPDATE 過,SORRY 呀

講返2個月既SEAN B 先

重量: 9.15KG

身長:57.5CM

頭圍:37.5CM

奶量: 仍然係160 ML

佢依家開始撩人傾計, 訓既時間亦少左,要人同佢玩下咁,好得意呀(我講既唔係佢個樣) 係佢既行為,因為好多野講,好口水佬架

仲有佢對住佢床頭既鵝媽媽轉轉轉,自己都玩得好開心,好興奮架! 同佢既交流開始多喇~~

佢自己玩得好興奮架,郁手郁腳架!!

講開打針,佢好叻仔呀!我帶佢去醫務所打針,一打就打2支(5合1 & 肺鏈球菌) 再加口服既輪狀病毒....真係太多針要打..好煩!!!! 亞仔痛時,我地個荷包同樣一齊叫苦呀

當醫生一拮支針係佢大脾時,佢就即喊,連醫生都覺得佢快左D,但到拎返支針再隔20秒左右佢就收晒聲,叻仔

可能我依個MAMA既鼓勵好得: 男仔黎架,唔可以成日CRYING 架快D收聲啦.....

好彩,連打2支針,佢都冇發燒, YEAH~~

(左脾)
(右脾)

仲有值得一提既就係你臉上既點點，醫生話係疑似濕疹呀　＞＿＜　唉．．２個月喇，冇咩改善．．．好多方法都試過喇，希望有好轉啦　！！！

返工既日子真係比較難過........因為好煩....係公司野煩,不過唔理咁多喇,最緊要係準時收工 ,因為除左陪亞仔玩,仲要返去煲劇架麻,哈~~~