今日返工, 係個lift 到諗緊, 我會唔會見到洛洛呢.....哈~
去到太子地鑯站, 經過健康工房, 睇到d茶葉旦, 又諗起我曾經係洛洛面前一次食過2隻茶葉旦....佢就話我一定食唔哂.....
丫, 去到架公司車就開走, 即刻跑去追, 如果洛洛係到, 佢一定會跑得好快去追住, 跟住我就慢慢咁行去....跑到我好氣喘....
上到車, 我開始打"司eight", 如果洛洛係我隔離, 佢會突然間嚇我, 跟住我就會止....最後我要等到差唔多落車先止到...........
返到公司坐係到開始食我個三文治, 好想嘔....食得一半, 如果洛洛係到, 佢就會話我食得咁小, 跟住就叫我食埋佢.....

返左一日工, 終於都返屋企喇, 去到南昌站出, 我地成日經過既出口D2, 望住巴士站, 我停左係到, 呢條路我地行過100次, 試過拖住手咁慢慢行, 試過茖住大雨衝返去, 試過狽住我行, 試過食住雪糕行, 試過拉拉扯扯咁行, 笑住咁行,喊住咁行, 好倦咁行, 跳住咁行....每次我都記得.......

過左一條馬路, 洛洛叮囑我成20次要睇燈過馬路呀, 今日我真係等到綠燈先行, 足足等左2次轉燈先行完......
又再搭lift, 佢次次都比我咁lift, 無論係咩制佢都比我咁, 巴士stop制啦, 去佢屋企搭lift啦.....都係我咁制.....因為我多手囉....呵呵

所以我忍唔住打比佢....話比佢聽我做過d咩...但我冇話比佢聽我掛住佢.........