5/5 星期四

今日本來諗住留係屋企做嘛個website，
點知飲茶個陣，細舅母來了行街，
佢叫我陪佢行一陣先再做功課，
我諗住等自己relax一下，
所以就陪佢一齊行，因為好難得佢來架。

之後我地去左金鋪，佢要換金同買金，
再繼續去左尖沙咀"Harbour City"shopping，
我地入去佢最鍾意既PoLo買野，
嘩...佢見到sale咋，係咁掃貨，
佢仲送左好多件俾我忝，
佢話"咁平，你都choose幾件啦"，
就係咁我都買左好多件衫，
雖然唔使我paid $$，但我見到都"肉赤"，
我都未試過一次過買咁多。

之後同佢個仔仔，即係我表弟仔去"TOYS"Я"US "買野，
佢好得意架，又乖又聽話，
買完佢要既玩具，再去Tommy掃貨，
本來我冇諗住買架，因為我都買左咁多，
廢事再要細舅母出錢啦，
但到paid $$既時候，個sale話買多件有個袋送，
之後細舅母又叫我choose多件，
送左個袋佢又唔要，話送嘛俾我返學用。

哈哈，我今日收穫實在太豐富喇。
真係超級開心呀！

之後返到屋企又要繼續作戰做個website，
又係整極都唔得，真係好嬲呀，
跟住我個friend見我整到咁，
都忍唔住打電話睇下我做咩，
哈哈，不過佢都唔識，
唔緊要啦，一個問候已經非常感動喇，
最後還是自己搞掂，幸好有功課交，
因為cammy教我用sina.com果個先得咋。