阿扁下台讓位！全民擁戴李前總統〔復行視事〕！

自從阿扁總統和宋崽仔訂10大共識以後　社會開始產生一片攻擊的聲音
來自綠營的砲火尤其慘重　
甚至　李登輝左手扒憐訟　正手搧阿扁

毋過　有人敢問１個問題否？是孰致使這種局勢及場面？
詎毋是李登輝本人？
孰當年一路牽成憐訟？

難道　李登輝攏免為伊的行為向台灣人謝罪？
愛台灣是１種信念　１種堅持　１種身為台灣人的根本
毋是在作１２年總統及主席　大權抐著的時
無欲處理不義的黨產　甚至享受無限黨產帶來的致蔭
所用非人～身邊的人攏總是賊　攏是戇人　攏是土匪
伊攏免負責～～～～～～～～～？？？？

是台灣人選阿扁　毋是伊傳位予阿扁
在２０００年選舉　李登輝猷原是拖老命替憐仔助選
這點李登輝絕對毋敢否認

復來　台灣人需要焉怎選擇？應該真清楚

阿扁仔作汝罵！李登輝攏無代！
千不該！萬不該！天理何在？

當年！信介仙的〔西米洛〕是予孰人拆破的
身為老百姓選出來的國代　歸陣國代欲去見李登輝總統
在〔介獸路〕予憲兵揪揪捋捋　歸領新〔西米洛〕予人拆破
是憲兵執行過當　抑是最高當局下令？

李登輝！請汝講清楚！汝有啥麼資格罵阿扁仔？
汝詎無享受著國民黨帶予汝的榮華富貴？

台灣人愛講真話．認清真像！
未使用大頂帽仔磕著　烏目鏡掛著　假作攏無看見

台灣人愛團結　毋過　毋是團結在有〔太上皇〕的陰影
全世界哪有１個民主國家的退位總統？帶頭罵東罵西　指揮東指揮西

當今台灣的亂源－是孰造成的？
李登輝過去所努力的是〔國統綱領〕！
這部憲法是伊大權捋著的時陣修的！

李登輝攏無責任？？？？
若是當年伊真正疼台灣　覅講〔制憲〕
早著應該修較合獨立台灣的精神纔對
毋是在予伊所牽成的憐訟逼到走頭無路的時　纔來愛台灣

上不可原諒的是～阿扁仔存伊
伊煞愈來愈聳鬚～～～～～～～～～
罷免阿扁仔　讓李登輝作好否？

阿扁下台讓位！全民擁戴李前總統〔復行視事〕！