我最怕睇醫生,因為食完藥通常個心會跳得好快,個人會好攰,好辛苦

星期二果晚突然喉嚨好痛,都feel到自己有d唔妥,諗住早d訓會冇事,但第二朝一起身,d病菌已經好快咁冒起左,返到公司,係咁流鼻水,同事叫我飲多d熱水,本來想放工去睇醫生,但因為第二日有好多野要做,又怕食左藥會頂唔住,於是返左屋企,九點半就去瞓...不過,可能有d發燒,覺得好熱同喘氣,成晚出汗...

第二朝返到公司,好想返屋企,因為實在太唔舒服,連聲都開唔到,同我同組既同事好好人,話可以幫我手,叫我請假,但...眼見佢已經好多野做,又點好意思叫佢幫我呢?於是我快手快腳出晒貨,連lunch都冇食,同事幫我打俾老細請病假...

去到診所,先知原來有lunch break...要三點先開門,我一個人走左去食粥,之後睇完醫生返去狂瞓..尋日好好多喇..不過都冇咩胃口..d同事都好關心我呀,又驚我食唔飽,同空肚食藥...呢個大家庭好warm呀

今日唔駛返工,本來想好好休息下,點知一天光老豆就叫我幫佢入票同買月餅....起身之後,見張票係中銀開就好自然去左中銀入票...去到望住張票我先係度諗...唔係喎...老豆既公司a/c好似係恒生...一打俾佢就知自己搞錯左...由中銀去恒生係好遠架...又熱,出晒汗...我d藥力又開始發作,勁辛苦...跟住仲要去大班買冰皮月餅

行左好耐先到....我又冇問老豆要買俾邊個,買卷定買現貨,但不嬲佢都會買卷送俾人架嘛..心諗四盒咁多我都拎唔到架喇..打俾媽咪又冇人聽..於是就買左卷
果時我已經成塊面白晒,好口乾同想暈低,媽咪先打返黎話老豆買黎拎返大陸,叫我返轉頭去拎,我話我好唔舒服,佢竟然仲要我抖陣再去,我唔想再聽就cut左佢線

跟住又到阿爺打黎,本來我都想搵佢食lunch,但果時我已經半昏迷狀態,當然冇話佢知啦,淨係話唔舒服唔去

返到屋企咩電話都唔聽...但心軟既我,雖然容易嬲同發脾氣,但又唔會好耐,三點幾見冇咁曬..一個人去左拎四盒月餅..

冇計啦,我係硬頸,但鬼叫自己心地好咩,果個又係自己老豆..而且我不嬲都信

我對人好,別人會對我好嘛