2006年7月13日(星期四).......我永遠都唔會忘記既一日.係因為仔仔永遠咁離開我.我從來未試過咁痛苦.......

係7月12果晚,我返到屋企,見到仔仔佢訓左係地下,好似好辛苦咁,吸氣都好大力咁,叫佢都唔識應.我打電話比媽媽,話比佢聽我好驚亞仔會離開,我重喊到收唔到聲.我抱起佢,佢雙眼半開半合咁,望住我,眼裏面滿是淚水.....好似話比我聽佢好唔捨得我咁.....

豆豆arm arm打番尼,話佢唔得,不如送佢去醫生度,我駡他,叫佢唔好講.....就咁我喊到訓著左.......約莫聽到好似仔仔叫咁,後來我起身睇下,豆豆話我知仔仔痛到係咁叫.....我d眼淚再流落尼.......我再次抱起佢,鍚下佢,佢好似知道咁....係要落地行,但係佢行得好辛苦.......佢係間屋度四圍巡,好似要同尼間屋講永別...........

我見佢咁辛苦,只有答應送佢去醫生度,送佢走........

第2朝我因為唔想睇到佢離開,所以冇送佢去,我返工之前,摸下佢,佢好似昏迷...我依依不捨....踏住好沉重既腳步咁離開屋企,我知道當我今次離開佢之後,,再冇機會見佢...........我好唔捨得.........

我做梗嘢既時候,收到豆豆既sms,話仔仔已經走左.......我成個人好似崩潰咁...我d眼淚真係忍唔住.........

之後我一直無法唔想住仔仔,係屋企......無論邊度我都會諗返仔仔行過既地方.....佢所做過既嘢.........我永遠都唔會忘記佢......佢好似仍然係度咁......

冇左CoCo.......我覺得好寂寞.......因為係我開心,唔開心佢都陪住我.....而家佢一個走左......我好唔捨得佢.....佢已經帶走左尼個既世界....我個心真係好痛......好痛.........

我永遠都會懷念佢.........冇嘢可以代替佢..........因為除左我之外,別無他人咁鍚佢..........希望此時此刻佢唔會好似我咁....

係尼度我要多謝亞宗....估唔到你會留言安慰我.....無想到你係唯一安慰我既人.........無論點.......我都希望你同樣係生活得快樂同幸福....