資料來源：太陽報 & 譚詠麟.com (http://www.tamwinglun.com/site/?action-viewnews-itemid-4275)

首歌好聽就唔怕臭啦！

譚詠麟不愧為樂壇校長，尊敬佢唔單止因為佢係老前輩，最緊要佢深受記者界歡迎，每次見到佢一定有料交，而且過程仲相當惹笑，捧腹離場。SoSo姐早幾日同幾名湊過阿倫0既公關姊妹High Tea，佢0地爆阿倫最鍾意同班記者妹做訪問，因為0係佢身邊做0野0既女仔，必定有番咁上下經驗先至幫到佢手，年紀當然亦有番咁上下，見得多都想見吓班後生女咁話！

阿倫見到班記者妹，鬆毛鬆翼好開心，有時為搞氣氛不惜自爆瘀事，有時又會趁在場有幾個男記，就衰衰咁講鹹濕笑話，灑瑶鹽花，搞到男男女女個個面紅紅，佢就會笑到0卡0卡聲。

有一次，阿倫為鼓勵市民參加填詞比賽，竟然自爆最鍾意度「屎坑橋」，仲話喺日本大便時靈感最勁，仲寫咗一首歌。雖然係爛Gag，不過公關姊妹好佩服佢，因為在場成班記者、助手冇人覺得反感，仲好好笑添！呢0的咪就係江湖地位囉！畀著第二個明星講呢番說話，肯定畀人大做文章。搞笑還搞笑，但阿倫好君子，絕對唔會毛手毛腳，所以班記者妹都好鍾意見到阿倫。