趙永佳阿sir可能做埋今日(五)或者聽日(六)就走啦（喊）
真係超唔捨得佢，我覺得佢真係好好，上堂又好玩，好鍾意上佢ｇｅ堂。
佢今日上我地班ｇｅ最後一堂物理堂，佢入黎上堂戈陣我已經覺得佢好似有ｄ唔掂。佢講答案比我地聽戈陣我聽到佢把聲好似變得好想喊咁，當佢講完晒野，
叫我地溫習戈陣，我見到佢靜靜地咁坐喺到，我望住佢戈陣就想喊啦。
不過我死忍，唔比自己ｇｅ眼淚流出黎。
落堂啦，佳ｓｉｒ佢諗住走戈陣有ｄ人攔住佢唔比佢出去。
跟住劉翠琪就拉埋我出去比份野比佳ｓｉｒ。
佳ｓｉｒ接過咗之後就走出咗門口了，
我返到埋位我雙眼已經眼有淚光，直至我聽到有人話呀邊個邊個喊呀．．．
我就已經忍唔住啦，ｄ眼淚就好似黃河缺徥咁湧出黎。
跟本就收唔到聲，我一喊，我身邊ｄ人就好似跟住喊咁。
就連ｄ男生都因為佢走而忍唔住喊咗出黎，
所以由此可見佳ｓｉｒ不知不覺間喺我地ｇｅ心目中已經都漸取咗唔少ｇｅ地位。
雖然我識佳ｓｉｒ佢唔係好耐，但係聽到佢話要離開學校真係好唔捨得。
佢走ｇｅ事，可以令到咁多人為佢而喊，睇得出佢ｇｅ威力係有幾大啦！
以後再見唔到阿ｓｉｒ啦！！
諗番起之前上佢ｇｅ堂係幾咁好玩，幾咁好笑，而且份人又唔差喎！
而家諗起佢教我地ｇｅ時間好似過得好快咁，
眨下眼就到咗學期尾，真係好想佢教埋呢一個月先走。
佢走咗一定會有好多人唔習慣。
但係?另一個角度黎睇未防唔係一件壞事，
因為出到去起碼前途會比留喺海星好好多。
而家我地只可以做ｇｅ野就係充心咁祝福佢，
希望可以一路順境，快ｄ結婚啦．．．