2003-08-27 22:50:32A-chiak
Chhiau-chhoe7 阿爸e5形影
Ui3 學校出業了後，我就ti7 台北食頭路，chu5--年，kap 熟似幾a2冬e5 Ju7 a2 結婚，本來阮稅1間小公寓，tak8 個月付9 千箍厝稅。M7 koh 這陣台灣e5 厝，價數直直落，若買1間3百外萬e5 厝，用銀行e5 低利貸款，算算--leh 擱卡會ho5，阮就開始四界去chhoe7 厝。
Chhoe7 來chhoe7 去攏 be7 kah 意，m7是環境siuN ak-chak，就是厝siuN 大間，價數卡 koan5。阮做 khang-khoe3 幾a2 冬，若講無儉淡薄仔錢是騙--人-e5，只是阮時常ti7-leh 想，錢beh 用ti7 卡有意義e5 所在。艱苦囡仔出身，自細漢阮受chiaN5 濟人照顧，阮媽媽 tiaN7 講：「食果子，拜樹頭。」愛隨時感恩、知足，就按呢阮ti7世界各地，幫贊1 koa2 散赤囡仔，hou7 in 會tang3 讀冊、bat 字、學專長來改善in e5 家庭。
有1工，阮去承天寺peh 山，看著1張「賣厝」e5 廣告，kap 厝主約好去看厝。彼個社區環境真清幽，我一看就有kah 意，彼間厝有30外坪，厝主黃--先-生kap in 某猶擱 toa3 ti7 hia，in 翁仔某一看就是有智識e5 讀冊人，真斯文。In e5 客廳chhai7 1尊彌勒佛，我斟酌看，kap 阮故鄉e5 佛堂仝款，chiah 知in ma7 是一貫道e5 道親，kap 阮平平攏是雲林人，ti7 濁水溪邊大漢 e5 囡仔，「人無親，土親」，伊講in tau 是ti 7 西螺鎮kang5 剃頭 e5，賴荔ou-bah-sang2 是in 阿母，我e5 眼前浮出in阿母e5 形影，伊 chhiang5-chai7 ti7 信義佛堂行踏，我讀國中e5 時陣，bat ti7 hia toa3 1 cham7，對in 阿母有印象。伊講hoan7 se3 咱 e5 序大人有熟似，我報阿爸 e5 名，伊 soah tioh8 1驚，伊 e5 表情b7 輸em7相信，擱問1遍：「你kam2 chiaN5 實是Iu7 a2 e5 查某 kiaN2？」天下那有chiah-ni7 tu2 好 e5 代誌，伊講阿爸是in e5 恩人，in kui 家夥a2 知影修行，攏是阮阿爸e5 功勞。
我bat 聽媽媽講--過，阿爸少年e5 時是1個春風少年兄，1粒海kat-a2 頭吹gah 金sih-sih，chiaN5 愛交朋友，惜情、重義氣，bat 駛計程車，toa3 過勝家公司，ma7 bat kap 人過，會曉 pok 薰、lim 燒酒、poah8-kiau2，m7 koh 信一貫道了後，所有e5 歹習慣全部改gah 清氣溜溜。到底是啥mih 力量hou7 阿爸行入信仰e5 世界？講--起-來ma7 chiaN5 好笑，媽媽講一貫道tu2 開始ti7 台灣無時行，chiaN5 神秘，阿爸houN3-hian5 想講 he 是騙--人-e5，beh 去查1個水落石出，尾a2，soah 變做虔誠e5 信徒。阿爸tu2 著人就講道理hong5 聽，為著beh 訓練口才，阿爸 ti7 透早天boe7 光e 時，tiaN7-tiaN7 走去墓a2 埔講經說道「吵死人」。阮媽媽 ma7 是虔誠e5 信徒，hou7 阿爸 e5 精神感動，m7-chiah 嫁hou7 伊做某。
媽媽e5 後頭厝ti7 嘉義市，雖bong2 無講chiaN5 好額，m7-koh 阮外公有hou7 伊受教育，媽媽真gau5 讀冊，好性地koh bat 代誌，in pe7 母m7-kam 查某kiaN2 嫁去庄kha 食苦，soah 來反對阿爸阿母結連理。媽媽決心beh 嫁阮阿爸，無顧pe7 母阻擋。路尾，阮外ma2 講嫁--出-去e5 查某kiaN2 若潑--出-去e5 水，好bai2 攏是命，後pai2 m7-thang 怨chheh。
Siang2 ma7 想be7 到，kam2 chiaN 實sui2 人無sui2 命？阮阿爸 ti7 我3歲e5時soah 來過身--去，彼陣阮上細漢 e5 妹妹iau2-boe7 度che3。媽媽滿腹辛酸無人知ma7 無te3 講。日--時媽媽 ti7 幼稚園教囡仔讀冊，e 晡 kap 放假e5 時，四界去hoah-lin2-long、賣雜細，ka7 阮央hou7 開kam2-a2 店e5 春生阿伯in 翁仔某照顧，暗時chiah 抱阮 tng2 去厝，等阮卡大漢--1-點-a，隨個a2 隨個就chhoa7 去幼稚園a2，春生阿伯是阮阿爸 e5 叔伯阿兄，in 翁仔某 chiaN5 疼惜阮。
若beh 問我對阿爸有siaN2 印象，論真想--起-來，無，m7-koh 好笑e5 是ti7 我成長e5 過程中，m7-bat 停止對阿爸 e5 siau3 念。
我bat 哭gah 目箍紅紅，問春生阿伯「是m7 是我無乖，無，天公伯a2 nah會 hou7 我變做無老pe7 e5 囡仔？」春生阿伯chiok m-kam e5，oan7-na7 ka7 我惜，oan7-na7 講：「憨囡仔，lin2 是我看過上乖巧、上古錐 e5 查某囡仔！」伊偷偷ka7 我講：「Beh 怪著怪lin2 老pe7 siuN 有孝，為著超拔lin2 阿公、阿ma2，m7-chiah 連命soah 無--去。」伊講阮阿公卡早是飼豬 e5，犯殺業、罪重，阿爸本底好好1個人，超拔in pe7 母了後，soah 隨帶著末期e5 肺癆。春生阿伯ka7 我解說超拔e5 意思，是ka7 功德送hou7 死--去e5 親人，hou7 in 免擱受苦。春生阿伯叫我mai3 煩惱，伊講阿爸歸空e5 時，面a2 紅ge5 紅ge5，pheng7 在生擱卡好看，身軀坐正正ti7 藤椅a2 頂，be7 輸菩薩坐蓮台，出山彼1工，chiaN5 濟道親來相送。
我國校5~6年e5 時，做代誌就chiaN5頂真--a，會曉 ka7 媽媽 tau3 做厝內e5 khang-khoe3，洗衫、煮飯、照顧小妹……。Beh暗a e5 時，我tiaN7-tiaN7 1個人坐ti7 門口埕，na2 等媽媽賣雜細tng2--來，na2 看天頂e5 雲彩，有時雲泅來泅去，有夠sui2，闊闊e5 天，引我siau3 念toa3 ti7 天堂e5 阿爸。
阿爸，你ti7 天堂kam2 有想著阮？國校出業彼年hioh 熱，阿姊ka7 in 老師講我愛畫ang-a2，老師竟然beh 免費ka7 我教，阿姊騎鐵馬載我去西螺，拿1 箍 hou7--我，叫我中晝 kha3 電話去店a2 頭，i chiah 來ka7 我載，kui chai2 起，我畫gah chiok 歡喜 e5，中晝--a ma7 無感覺iau，na2 唱歌na2 行tng2去，路邊e5 鳳凰花開gah 真豔真紅，鳥a2 chiuh8-chiuh8 叫，na2 teh kap 我合奏，我beh ka7 彼 1 箍儉起來買紙筆。M7 知行偌久，眼前是1 khu 1 khu e5 田園kap na2 肚腸e5 小路，厝nah 會hiah-ni7 hng7，我kah 酸koh 腹肚 iau，ging7-beh 暈--去，soah tu2 著1個 ou-bah-sang2，伊掠我金金相，問講：「查某囡仔，lin2 tau 是m7 是toa3 竹圍a2？」
我tim3 頭，伊擱問：「你是m7 是Iu7 a2 e5 查某kiaN2？」我m7-bat 看過伊，伊 soah bat--我，我問i nah 知？伊講我kap 阮阿爸生作真相siang5，目睭、鼻a2 攏仝款仝款。伊叫in 後生騎ou-tou-bai2 我tng2--去，阿爸！這是我頭1 pai2 受著你e5 致蔭。細漢 e5 時，阿姊tiaN7 展寶講阿爸有偌疼伊，chhiang5-chai7 theh8 出紅嬰a2 e5時陣阿爸抱伊 e5 相片，有1張背景是ti7阿里山，阿爸阿母kap 阿姊攏笑gah 嘴a2 lih8-sai-sai。抑若我，kan-na7有1 te3 錄音帶，內面是我e5 哭聲。媽媽講彼工伊 chhoa7 阿姊tng2 去外家，放我kap 阿爸 toa3 厝，m7 知按怎，我哭kui 暝，阿爸擋be7 tiau5，kui-khi theh8 錄音機ka7 錄--起-來，管thai7 我大聲hau2。我真欣羨阿姊，有阿爸 e5 記ti3。我藏1張阿爸e5 相片，無人e5 時，我chiah theh8--出-來，有時na2 看na2 生分，問家己：「這 kam2 是我e5 阿爸？」受枉屈e5 時，我會chhoe7 1個無人e5 所在，對阿爸e5 相片大聲哭。有1 pai2，我kap 阿姊 oan-ke，伊罵我愛哭，莫怪阿爸上討厭--我，害我bih ti7 綿chioh 被內，偷偷hau2 幾na7 工。
阿爸！你kam2 正港m7-bat 疼惜過我？這個疑問，一直khng3 ti7 我e5心肝底。Tak8 年清明，阮 kui 家夥a2 攏會去poe7 墓，阮 khia7 ti7 阿爸 e5 墓前，無聲無說。M7 知ui3 tang 時開始，阿爸做忌彼日kap 清明，阿姊攏 poah8-poe ka7 阿爸報告厝內底大大細細e5 代誌，了後tak8個輪流講，有笑khoe、有目屎、有對未來e5 ng3 望，ma7 有綿綿e5 相思，媽媽 kap 我攏干單 tiam7-tiam7 看，無講半句話。有幾na7 pai2，我ma7 真想beh kap 阿爸講話，尾a2，猶原tiam7-chih-chih khia7 ti7 邊a2。
目1下nih，20冬e5 時間過--去-a，庄a2 內e5 旺叔a2 來ka7 阿爸拾骨，彼 1工日頭chiaN5 炎，棺材phah 開e5 時，我be7 輸看著1個緣投e5 查甫人對我笑，阿爸！Lan2 終其尾見面--a，我1等20冬，久久長長e5 等待。旺叔a2 ka7 阿爸e5 骨頭清gah chiaN5 chheng-khi3，khng3 ti7 金斗甕a2 內，阿爸！我知影阮攏是阿爸 你e5 心肝kiaN2，阿爸！再會--lah！後pai2 lan2 ti7 天堂相會，我會對你講出ti7 人間對你深深e5 思慕，大聲叫你「阿爸」！1聲擱1聲。
2002.03.22 ti7土城
註：這是頭1篇台文作品，bat刊ti7台文罔報，海翁台語文學。
Chhoe7 來chhoe7 去攏 be7 kah 意，m7是環境siuN ak-chak，就是厝siuN 大間，價數卡 koan5。阮做 khang-khoe3 幾a2 冬，若講無儉淡薄仔錢是騙--人-e5，只是阮時常ti7-leh 想，錢beh 用ti7 卡有意義e5 所在。艱苦囡仔出身，自細漢阮受chiaN5 濟人照顧，阮媽媽 tiaN7 講：「食果子，拜樹頭。」愛隨時感恩、知足，就按呢阮ti7世界各地，幫贊1 koa2 散赤囡仔，hou7 in 會tang3 讀冊、bat 字、學專長來改善in e5 家庭。
有1工，阮去承天寺peh 山，看著1張「賣厝」e5 廣告，kap 厝主約好去看厝。彼個社區環境真清幽，我一看就有kah 意，彼間厝有30外坪，厝主黃--先-生kap in 某猶擱 toa3 ti7 hia，in 翁仔某一看就是有智識e5 讀冊人，真斯文。In e5 客廳chhai7 1尊彌勒佛，我斟酌看，kap 阮故鄉e5 佛堂仝款，chiah 知in ma7 是一貫道e5 道親，kap 阮平平攏是雲林人，ti7 濁水溪邊大漢 e5 囡仔，「人無親，土親」，伊講in tau 是ti 7 西螺鎮kang5 剃頭 e5，賴荔ou-bah-sang2 是in 阿母，我e5 眼前浮出in阿母e5 形影，伊 chhiang5-chai7 ti7 信義佛堂行踏，我讀國中e5 時陣，bat ti7 hia toa3 1 cham7，對in 阿母有印象。伊講hoan7 se3 咱 e5 序大人有熟似，我報阿爸 e5 名，伊 soah tioh8 1驚，伊 e5 表情b7 輸em7相信，擱問1遍：「你kam2 chiaN5 實是Iu7 a2 e5 查某 kiaN2？」天下那有chiah-ni7 tu2 好 e5 代誌，伊講阿爸是in e5 恩人，in kui 家夥a2 知影修行，攏是阮阿爸e5 功勞。
我bat 聽媽媽講--過，阿爸少年e5 時是1個春風少年兄，1粒海kat-a2 頭吹gah 金sih-sih，chiaN5 愛交朋友，惜情、重義氣，bat 駛計程車，toa3 過勝家公司，ma7 bat kap 人過，會曉 pok 薰、lim 燒酒、poah8-kiau2，m7 koh 信一貫道了後，所有e5 歹習慣全部改gah 清氣溜溜。到底是啥mih 力量hou7 阿爸行入信仰e5 世界？講--起-來ma7 chiaN5 好笑，媽媽講一貫道tu2 開始ti7 台灣無時行，chiaN5 神秘，阿爸houN3-hian5 想講 he 是騙--人-e5，beh 去查1個水落石出，尾a2，soah 變做虔誠e5 信徒。阿爸tu2 著人就講道理hong5 聽，為著beh 訓練口才，阿爸 ti7 透早天boe7 光e 時，tiaN7-tiaN7 走去墓a2 埔講經說道「吵死人」。阮媽媽 ma7 是虔誠e5 信徒，hou7 阿爸 e5 精神感動，m7-chiah 嫁hou7 伊做某。
媽媽e5 後頭厝ti7 嘉義市，雖bong2 無講chiaN5 好額，m7-koh 阮外公有hou7 伊受教育，媽媽真gau5 讀冊，好性地koh bat 代誌，in pe7 母m7-kam 查某kiaN2 嫁去庄kha 食苦，soah 來反對阿爸阿母結連理。媽媽決心beh 嫁阮阿爸，無顧pe7 母阻擋。路尾，阮外ma2 講嫁--出-去e5 查某kiaN2 若潑--出-去e5 水，好bai2 攏是命，後pai2 m7-thang 怨chheh。
Siang2 ma7 想be7 到，kam2 chiaN 實sui2 人無sui2 命？阮阿爸 ti7 我3歲e5時soah 來過身--去，彼陣阮上細漢 e5 妹妹iau2-boe7 度che3。媽媽滿腹辛酸無人知ma7 無te3 講。日--時媽媽 ti7 幼稚園教囡仔讀冊，e 晡 kap 放假e5 時，四界去hoah-lin2-long、賣雜細，ka7 阮央hou7 開kam2-a2 店e5 春生阿伯in 翁仔某照顧，暗時chiah 抱阮 tng2 去厝，等阮卡大漢--1-點-a，隨個a2 隨個就chhoa7 去幼稚園a2，春生阿伯是阮阿爸 e5 叔伯阿兄，in 翁仔某 chiaN5 疼惜阮。
若beh 問我對阿爸有siaN2 印象，論真想--起-來，無，m7-koh 好笑e5 是ti7 我成長e5 過程中，m7-bat 停止對阿爸 e5 siau3 念。
我bat 哭gah 目箍紅紅，問春生阿伯「是m7 是我無乖，無，天公伯a2 nah會 hou7 我變做無老pe7 e5 囡仔？」春生阿伯chiok m-kam e5，oan7-na7 ka7 我惜，oan7-na7 講：「憨囡仔，lin2 是我看過上乖巧、上古錐 e5 查某囡仔！」伊偷偷ka7 我講：「Beh 怪著怪lin2 老pe7 siuN 有孝，為著超拔lin2 阿公、阿ma2，m7-chiah 連命soah 無--去。」伊講阮阿公卡早是飼豬 e5，犯殺業、罪重，阿爸本底好好1個人，超拔in pe7 母了後，soah 隨帶著末期e5 肺癆。春生阿伯ka7 我解說超拔e5 意思，是ka7 功德送hou7 死--去e5 親人，hou7 in 免擱受苦。春生阿伯叫我mai3 煩惱，伊講阿爸歸空e5 時，面a2 紅ge5 紅ge5，pheng7 在生擱卡好看，身軀坐正正ti7 藤椅a2 頂，be7 輸菩薩坐蓮台，出山彼1工，chiaN5 濟道親來相送。
我國校5~6年e5 時，做代誌就chiaN5頂真--a，會曉 ka7 媽媽 tau3 做厝內e5 khang-khoe3，洗衫、煮飯、照顧小妹……。Beh暗a e5 時，我tiaN7-tiaN7 1個人坐ti7 門口埕，na2 等媽媽賣雜細tng2--來，na2 看天頂e5 雲彩，有時雲泅來泅去，有夠sui2，闊闊e5 天，引我siau3 念toa3 ti7 天堂e5 阿爸。
阿爸，你ti7 天堂kam2 有想著阮？國校出業彼年hioh 熱，阿姊ka7 in 老師講我愛畫ang-a2，老師竟然beh 免費ka7 我教，阿姊騎鐵馬載我去西螺，拿1 箍 hou7--我，叫我中晝 kha3 電話去店a2 頭，i chiah 來ka7 我載，kui chai2 起，我畫gah chiok 歡喜 e5，中晝--a ma7 無感覺iau，na2 唱歌na2 行tng2去，路邊e5 鳳凰花開gah 真豔真紅，鳥a2 chiuh8-chiuh8 叫，na2 teh kap 我合奏，我beh ka7 彼 1 箍儉起來買紙筆。M7 知行偌久，眼前是1 khu 1 khu e5 田園kap na2 肚腸e5 小路，厝nah 會hiah-ni7 hng7，我kah 酸koh 腹肚 iau，ging7-beh 暈--去，soah tu2 著1個 ou-bah-sang2，伊掠我金金相，問講：「查某囡仔，lin2 tau 是m7 是toa3 竹圍a2？」
我tim3 頭，伊擱問：「你是m7 是Iu7 a2 e5 查某kiaN2？」我m7-bat 看過伊，伊 soah bat--我，我問i nah 知？伊講我kap 阮阿爸生作真相siang5，目睭、鼻a2 攏仝款仝款。伊叫in 後生騎ou-tou-bai2 我tng2--去，阿爸！這是我頭1 pai2 受著你e5 致蔭。細漢 e5 時，阿姊tiaN7 展寶講阿爸有偌疼伊，chhiang5-chai7 theh8 出紅嬰a2 e5時陣阿爸抱伊 e5 相片，有1張背景是ti7阿里山，阿爸阿母kap 阿姊攏笑gah 嘴a2 lih8-sai-sai。抑若我，kan-na7有1 te3 錄音帶，內面是我e5 哭聲。媽媽講彼工伊 chhoa7 阿姊tng2 去外家，放我kap 阿爸 toa3 厝，m7 知按怎，我哭kui 暝，阿爸擋be7 tiau5，kui-khi theh8 錄音機ka7 錄--起-來，管thai7 我大聲hau2。我真欣羨阿姊，有阿爸 e5 記ti3。我藏1張阿爸e5 相片，無人e5 時，我chiah theh8--出-來，有時na2 看na2 生分，問家己：「這 kam2 是我e5 阿爸？」受枉屈e5 時，我會chhoe7 1個無人e5 所在，對阿爸e5 相片大聲哭。有1 pai2，我kap 阿姊 oan-ke，伊罵我愛哭，莫怪阿爸上討厭--我，害我bih ti7 綿chioh 被內，偷偷hau2 幾na7 工。
阿爸！你kam2 正港m7-bat 疼惜過我？這個疑問，一直khng3 ti7 我e5心肝底。Tak8 年清明，阮 kui 家夥a2 攏會去poe7 墓，阮 khia7 ti7 阿爸 e5 墓前，無聲無說。M7 知ui3 tang 時開始，阿爸做忌彼日kap 清明，阿姊攏 poah8-poe ka7 阿爸報告厝內底大大細細e5 代誌，了後tak8個輪流講，有笑khoe、有目屎、有對未來e5 ng3 望，ma7 有綿綿e5 相思，媽媽 kap 我攏干單 tiam7-tiam7 看，無講半句話。有幾na7 pai2，我ma7 真想beh kap 阿爸講話，尾a2，猶原tiam7-chih-chih khia7 ti7 邊a2。
目1下nih，20冬e5 時間過--去-a，庄a2 內e5 旺叔a2 來ka7 阿爸拾骨，彼 1工日頭chiaN5 炎，棺材phah 開e5 時，我be7 輸看著1個緣投e5 查甫人對我笑，阿爸！Lan2 終其尾見面--a，我1等20冬，久久長長e5 等待。旺叔a2 ka7 阿爸e5 骨頭清gah chiaN5 chheng-khi3，khng3 ti7 金斗甕a2 內，阿爸！我知影阮攏是阿爸 你e5 心肝kiaN2，阿爸！再會--lah！後pai2 lan2 ti7 天堂相會，我會對你講出ti7 人間對你深深e5 思慕，大聲叫你「阿爸」！1聲擱1聲。
2002.03.22 ti7土城
註：這是頭1篇台文作品，bat刊ti7台文罔報，海翁台語文學。