過年新 chiaN 朋友寄來1e孽khiat a話kah 阮分享，題目是「休（hiu ）耕kah 停（theng）經」：

現主時政府有咧辦理農田休耕政策，一分地休耕會凍領3000箍。
庄.裡，村辦公處播音站放送講「請有『停耕』e人，提印a來村辦公處領3000箍」。
一 e 烏巴桑一下聽.著，暢講「安婆也喂! 也無卡早辦咧，害我減領幾 a冬」

tu看了，笑kah 腹肚痛，精差無 lau下頦，暗頭a想著迄e笑話，心悶鬱卒 kah 目屎 giong beh lian 落來，我家己嘛無好kah 叨位去，常在聲調分 be 清楚 hut m 著去，有時明明知影 e 物件，就是講 be 好勢，無--toh 是聽e 人聽無，想歸晡，解釋1大拖了後chiah 知。

母語失落kah 這e 地步叫我怎樣笑會出來，想 beh 認真學端的e 母語無地學，想 beh 寫台語文，現主時文字擱猶未統一，看有--e 人擱真罕ni ，這是啥 mi 所在？啥 mi 世界？

聲聲句句愛台灣 kam 有影？唉！總是比卡早好真濟，卡早連 hoah 愛台灣嘛be 使得，你講用按呢安慰家己有阿Q無？