上個禮拜懷疑自己食左d唔乾淨o既豬皮(o係紅磡間倫記車仔麵)，搞到第二朝一起身就柯到暈咁滯！仲差d嘔埋出黎添，好彩臨尾都忍得住…真係好耐都未試過咁辛苦，果朝仲要番去present inductrial design個project brief添，得番半條人命都要捱番去，十個慘~~~

pre完拿拿臨番左去訓，諗住訓醒會好d啦，點知又柯多幾次…夜晚d frd幫我買左碗粉番黎，食左兩啖就唔想食，轉頭又柯過添，仲嘔到成地都係，唉~~~我覺得我好似變左人乾咁囉~

第二日終於好番d，但穩陣d都係去左睇醫生，不過睇完同無睇真係無分別囉，佢問我會唔會係食左d污糟野，我咪話可能係囉，咁跟住佢求其聽下我個肚就話我係食左d唔乾淨o既野喎~嘩！唔駛咁hea嘛？！之後佢好左d上柯嘔藥俾我，但又話其實d藥唔駛食架喎，fxxk！我完全覺得俾人呃左15蚊囉！

我地話小病是福，我都真係幾贊成o既~~自己唔舒服果時d frd都會照顧你，仲有人專登黎左煲粥你食，雖然係好普通o既白粥，但我都真係好開心架~多謝哂你地！