今年生日真係慘，要上堂上到4點半先可以走，嗚~~
由於時間少o既關係(我地6點鐘約左屋企人一齊食buffet)，我地剩係o係尖咀逛左陣，同埋去左新港打機！同佢玩左幾次，我已經掌握倒隻game點玩喇，下次我地實可以打得勁d~

之後同屋人去左間新o既餐廳食buffet，個環境比我想像中好喎，d梳化都坐得幾舒服~不過d野食o既種類就少左dd，但睇番價錢黎講都ok架喇~食梗野果時我仲同屋企人影左幾張相，諗落都好似好耐無同佢地影合照lu~

食完野我地本身仲諗住去冒險樂園架，但佢話寧願我快d番去做design o既assignment喎，哈~唔知幾時d人變得咁識得為我諗o既呢~~不過話番去，原來係早有預謀！佢之前已經送左條我想買左好耐o既belt俾我，點知宜家點都要同我一齊番去係仲有surprise俾我~一番到房佢就古古怪怪咁問我有無野飲，咁我咪去雪櫃睇下囉！開頭我都唔為意，點知睇落先知佢擺左個蛋糕o係度！勁估唔倒囉~~
個蛋糕仲要係佢自己親手整架添~果一刻真係幾開心架，雖然食buffet食到好飽但我都食左一忽~原來佢尋晚同henry夾定今日靜靜雞上黎擺低個蛋糕，仲收埋左另一份好貼身o既禮物添，不過o係度就唔係咁方便講o既…

講真呢個surprise真係超大囉，雖然今日慶祝o既時間唔係好多，但我真係好開心~~多謝你同我o既屋企人~thx！